பொதுநலம் கொண்ட நான்கு குடிமக்கள் பாஸ் தலைவர் அப்துல் ஹாடி ஆவாங் நாடாளுமன்றத்தில் கொண்டுவரவுள்ள தனி உறுப்பினர் சட்டவரைவை அரசமைப்புக்கு விரோதமானது என்று அறிவிக்கக் கோரும் மனுவை கோலாலும்பூர் உயர் நீதிமன்றத்தில் பதிவு செய்துள்ளனர்.
மன்சூர் சாஆட், அஸிரா அசிஸ், ஹஸ்பீமபுத்ரா அபு பக்கர், ஹஸ்வானி ஜமாலுடின் ஆகிய அந்நால்வரும் அந்தத் தனி நபர் சட்டவரைவை மக்களவை விவாதிப்பதைத் தடுக்க தடுப்பாணை விடுக்குமாறும் நீதிமன்றத்தைக் கேட்டுக்கொண்டிருக்கிறார்கள்.
அவர்கள், ஹாடி, மக்களவைத் தலைவர், துணைத் தலைவர். நாடாளுமன்றச் செயலாளர், துணைச் செயலாளர் ஆகியோரை எதிர்வாதிகளாகக் குறிப்பிட்டிருக்கிறார்கள்.
ஹாடி, 1965 ஷியாரியா நீதிமன்றச் சட்டத்தை வலுப்படுத்துவதற்காக சர்ச்சைக்குரிய சட்டவரைவு ஒன்றை மக்களவையில் பதிவு செய்திருக்கிறார்.
அச்சட்ட வரைவு, ஆண்டுத் தொடக்கத்தில் கிளந்தான் அரசு மாநில அளவில் நிறைவேற்றி வைத்துள்ள ஹுடுட் சட்டங்களை நடைமுறைப்படுத்தும் நோக்கம் கொண்டது என்பதை, பா\ஸ் மறுத்தாலும் அதுதான் அதன் நோக்கம் என்றே பொதுவாகக் கருதப்படுகிறது..
