1எம்டிபி  கம்போங்  பாருயில்  பள்ளிவாசல்  கட்ட  உதவியுள்ளது,  இருந்தும்  அதைக்  குறைகூறுகிறார்களே  என்று  அங்கலாய்த்துக்கொண்ட  பிரதமர்  நஜிப்  அப்துல்  ரசாக்கை பாஸ்  எம்பி  ஒருவர்  இடித்துரைத்திருக்கிறார்.

பிரதமரின்  கூற்று,  1எம்டிபி  சில  நன்மைகளைச்  செய்துள்ளது  அதனால்  அது  செய்த  தவறுகளை விட்டுவிடுங்கள்  என்று  கேட்டுக்கொள்வதுபோல  இருக்கிறது  என  பொக்கோக்  சேனா  எம்பி  மாபூஸ்  ஒமார்  குறிப்பிட்டார்.

“பாவங்கள்  செய்யலாம்  பிறகு  தானங்கள்  செய்தும் ஹஜ்ஜுக்குச்  சென்றும் அவற்றைக்  கழுவி  விடலாம்  என்ற தவறான  செய்தி இதன்  மூலமாக  மக்களுக்குத் தெரிவிக்கப்படுகிறது”, என்றவர்  சாடினார்.