உடல்நலக்  குறைவு  காரணமாக தமது  சட்டத்துறைத்  தலைவர் (ஏஜி) பதவி  முடிவுக்கு வந்ததாக அறிவிக்கப்பட்டிருப்பது  தமக்கே  தெரியாது  என்கிறார்  அப்துல்  கனி  பட்டேய்ல்.

அரசாங்கத்  தலைமைச்  செயலாளர்  அப்படி  ஓர்  அறிவிப்பைச்  செய்தது  தமக்குத்  தெரியாது  என  கனி  மலாய்  மெயில்  ஆன்லைன்  இணையத்தளத்திடம்  தெரிவித்துள்ளார்.

“எனக்குத்  தெரியாது. பரவாயில்லை. அதைப் பற்றி  இப்போது  நான்  எதுவும்  சொல்ல  விரும்பவில்லை”, என்றாரவர்.

கனிக்கு அக்டோபர்  6-இல்தான்  வயது  60 ஆகும். அதுதான்  அரசாங்க  ஊழியர்கள்  பணிஓய்வு  பெறும்  வயதாகும்.