டப்ளின்: விபச்சாரத்தை மனித உரிமையாக அங்கீகரிக்க அம்னஸ்டி இன்டர்நேஷனல் என்ற மனித உரிமை அமைப்பு முயற்சி செய்துவருவது சர்ச்சையை ஏற்படுத்தியுள்ளது. அயர்லாந்து தலைநகர் டப்ளின் நகரில், அடுத்த வாரம், அம்னஸ்டி இன்டர்நேஷனல் அமைப்பின், கவுன்சில் மீட்டிங் நடைபெற உள்ளது. இந்த கூட்டத்தில், நிறைவேற்றப்பட உள்ள முக்கிய தீர்மானத்தில் ஒன்று, விபச்சாரத்தை மனித உரிமையாக அங்கீகாரம் செய்ய வேண்டும் என்பதாகும். அம்னஸ்டி இன்டர்நேஷனல் உறுப்பினர்கள், இந்த தீர்மானத்திற்கு ஆதரவு தெரிவிக்க கேட்டுக்கொள்ளப்பட்டுள்ளனர்.

உலகமெங்கும் இருந்து அந்த அமைப்பின் உறுப்பினர்கள் டப்ளின் வர உள்ள நிலையில், இந்த தீர்மான ‘வரைவு’ சர்ச்சையை உருவாக்கியுள்ளது. அம்னஸ்டி இன்டர்நேஷனல் அமைப்பை பொறுத்தளவில், பிற தொழில்களை போலவே, பெண்கள், விபச்சாரத்தையும் தொழிலாக நினைத்து செய்யலாம். அதில் தப்பில்லை என்ற வாதத்தை முன்வைக்கிறது.