அமெரிக்காவின் கட்டுப்பாட்டில் உள்ள ஒரு குட்டித் தீவு கயாம். இங்கு பெண்கள் கற்பழிக்கப்படுவது மிக அதிக அளவில் உள்ளது. அதாவது சராசரியாக 1 லட்சம் பெண்களில் 64 பேர் கற்பழிப்புக்கு உள்ளாகின்றனர்.
இதனால் கவலை அடைந்த கயாம் அரசு அண்மையில் பரபரப்பான மசோதா ஒன்றை சட்டசபையில் நிறைவேற்றியது. கற்பழிப்பு குற்றம் நிரூபிக்கப்படும் ஆண்களின் ஆண்மையை ரசாயன முறையில் அகற்றலாம் அல்லது ஆண்மையை அகற்ற அறுவை சிகிச்சை அளிக்கலாம் என்று அந்த மசோதாவில் பரிந்துரை செய்யப்பட்டு இருந்தது. இந்த மசோதா 8-7 என்ற ஓட்டு கணக்கில் மயிரிழையில் வெற்றி பெற்றது. பலத்த சர்ச்சைக்கு இடையே இந்த மசோதா கயாமில் நிறைவேறி இருப்பது குறிப்பிடத்தக்கது.
கற்பழிப்பு குற்றங்களைப் பொறுத்தவரை அமெரிக்காவின் தேசிய சராசரி, ஒரு லட்சம் பெண்களுக்கு 25.2 சதவீதம் ஆகும். அங்கு உள்ள 50 மாகாணங்களில் அலாஸ்காவில்தான் மிக அதிகமாக ஒரு லட்சத்துக்கு 87.6 சதவீத பெண்கள் கற்பழிப்புக்கு உள்ளாகின்றனர் என்பது குறிப்பிடத்தக்கது.
-http://www.athirvu.com
கற்பழிப்புக்கு இரசாயன முறையில் ஆண்மையை இழக்கச் செய்ய வேண்டும் என்ற பரிந்துரை வந்து பல காலமாகி விட்டது. சட்டம் என்பது ஆணாதிக்கத்தில் இருப்பதால் இதனை சட்டமாக்க இன்று வரை முடியவில்லை. இதுல வேற கற்பழித்ததை பார்த்த நாலு பேரு சாட்சியம் சொன்னால்தான் கற்பழிப்பு குற்றம் நிருபிக்கப் படும் என்று புது சட்டம் வேற போடச் சொல்கின்றார்கள். இதெல்லாம் கறிக்கு உதவாத ஏட்டுச் சுரைக்கைப் போல இருக்கு.
அதுசரி, பெண்கள் ஆண்களை காதலித்து ஏமாற்றினால் அதற்கு தண்டனை ஏதும் இல்லையா? என்ன ஓர வஞ்சனையான உலகமடா இது. எங்களுக்கும் சம உரிமை வேண்டும் என்று என்றைக்காவது ஒரு நாள் ஆண்கள் போர் கொடி தூக்கப் போகின்றார்கள்.