கோலாலம்பூர் ஜாலான் அம்பாங்கில் உள்ள மசீச தலைமையகக் கட்டிடத்தில் சிவப்புச் சாயம் வீசப்பட்டுள்ளது இன்று காலை கண்டு பிடிக்கப்பட்டது.
கீழ்த் தளத்தில் உணவு விடுதி அமைந்துள்ள இடத்துக்குப் பின்புறமுள்ள பக்க நுழைவாயிலுக்கு அருகில் தரையிலும் சுவரிலும் சிவப்புச் சாயம் வீசப்பட்டிருந்தது.
அந்த இடத்தில் சாயம் வீசப்பட்டுள்ளதை இன்று காலை மணி 7 அளவில் பாதுகாவலர் ஒருவர் கண்டு பிடித்ததாக தொடர்பு கொள்ளப்பட்ட போது மசீச தலைவருடைய பத்திரிக்கை செயலாளர் கியாம் சே கூன் கூறினார்.
மசீச தலைமையகத்தில் சாயம் வீசப்பட்டுள்ளது இதுவே முதன் முறை என்றும் அவர் குறிப்பிட்டார்.
சாயம் கண்டு பிடிக்கப்பட்ட பின்னர் போலீஸ் அதிகாரிகள் அந்த இடத்திற்கு வந்து சோதனைகளை மேற்கொண்டதாகவும் கியாம் தெரிவித்தார்.
அந்தச் சம்பவத்துக்கு யார் காரணம் என்பதையும் நோக்கம் என்ன என்பதையும் அவரால் கூற முடியவில்லை.
