கிறிஸ்துமஸ் கொண்டாட்டங்கள் பெரும்பான்மை மக்களின் நம்பிக்கையை சிதைப்பதாக கூறி இந்த ஆண்டு முதல் தடை விதித்துள்ளனர்.
புரூணே நாட்டில் இந்த ஆண்டுமுதல் கிறிஸ்துமஸ் கொண்டாட்டங்களுக்கு தடை விதித்து உத்தரவு பிறப்பித்துள்ளது அங்குள்ள மத அலுவல் அமைச்சகம்.
கிறிஸ்துமஸ் கொண்டாட்டங்களை இஸ்லாமியர்கள் அல்லது கிறிஸ்தவர்கள் பொதுப்படையாக வெளிப்படுத்தினால் 5 ஆண்டுகள் வரை சிறை தண்டனையும் வழங்கப்படும் எனவும் அமைச்சகம் வெளியிட்டுள்ள செய்தி குறிப்பில் தெரிவித்துள்ளது.
ஆனால் இஸ்லாமியர் அல்லாதவர்கள் தங்கள் குழுக்களுடன் இணைந்து கிறிஸ்துமஸ் பண்டிகையை கொண்டாட அனுமதிக்கப்பட்டுள்ளனர்.
நாட்டில் உள்ள பெரும்பான்மை மக்களின் நம்பிக்கையை சிதைக்கும் வகையில் கிறிஸ்துமஸ் கொண்டாட்டங்கள் இருப்பதாக குற்றம்சாட்டியுள்ள அமைச்சகம், அதை கட்டுப்படுத்தவே இந்த தடை எனவும் தெரிவித்துள்ளது.
மேலும், கிறிஸ்துமஸ் காரல்கள் பாடவோ, வாழ்த்து தெரிவிக்கவோ கூடாது எனவும் கண்டிப்புடன் புரூணே மத அலுவல்கள் அமைச்சகம் குறிப்பிட்டுள்ளது.
இதுகுறித்து கருத்து தெரிவித்துள்ள இஸ்லாமிய குருக்கள், அரசு தெரிவித்திருக்கும் கருத்தினை எவரும் பெரிதுபடுத்தி பிரச்சனையாக்க வேண்டாம் எனவும்,
இஸ்லாமியர்கள் கண்டிப்பாக வேறு மதத்தினரின் கொண்டாட்டங்களில் இருந்து விலகியே இருக்க வேண்டும் எனவும் கேட்டுக்கொண்டுள்ளார்.
புரூணே நாட்டில் ஒட்டுமொத்தமுள்ள மக்கள் தொகையில் 35 விழுக்காடு கிறிஸ்தவர்களும் புத்தமதத்தினை பின்பற்றுபவர்களும் உள்ளனர்.
-http://world.lankasri.com
யானைக்கு மதம் பிடித்தால் தான் தலையில் மண்ணை வாரி போட்டுக்குமாம். அண்டை நாட்டில் (சரவாக்/சபாவில்) கிறிஸ்துவ மத பரப்பு விவகாரமாகி இருப்பதால் இப்பொழுது அக்கம் பக்கம் பார்த்து வாழ கற்றுக் கொள்ள வேண்டும் என்று புருனை மன்னரும் உஷாராகி விட்டார் போலும். இந்த மத பரப்பு விவகாரம் நிற்கவில்லையானால் அடுத்து இத்தகைய தடைகளை மலேசியாவிலும் எதிர்பார்க்கலாம். இதற்குத்தான் முன்னால் சொன்ன பழமொழி.
அனைவருக்கும் ஹுடுத் சட்டம் அமல் செய்யும்முன் இதையெல்லாம் கருத்தில் கொண்டிருக்கவேண்டும்,விவாதித்துயிருக்கவேண்டும் வீணே பொழுதை கழித்துவிட்டு வருந்தி பயன்யாது.வாழ்க நாராயண நாமம்.
தேனீ , உமது கருத்தினை மேலும் தெளிவாக கூறுங்கள். நன்றி.
நம் எல்லோரையும் இறைவன் ஆசீர்வதித்து வழிநடத்துவாராக.
கிருஸ்துவ போலி மத போதகர்களால் வந்த வினை.
புருணை அரசாங்கத்தின் தடை தவறாகப் புரிந்துக் கொள்ளப்பற்றிருக்கின்றது. கிறிஸ்துமஸ் கொண்டாட்டம் உலகு எங்கிலும் வர்த்தகர்களால் பெரிது படுத்தப்படுவது நமக்குத் தெரியும். இவர்கள் அனைவரும் கிறிஸ்துவர்கள் அல்ல. ஆனாலும் வருடக் கடைசியில் தங்களுடைய புதிய பழைய சரக்குகளை விற்பனை செய்வதற்கு இந்தக் கிறிஸ்துமஸ் காலத்தைப் பயன்படுத்துகின்றனர். அதனால் தங்கள் விளம்பரத்திற்காக பெரிய பெரிய அலங்காரங்களையும் மக்களை கவர்ந்து இழுக்கக்கூடிய வண்ணம் நவீன யுக்திகளையும் கையாளுகின்றனர். இப்படி தேவைக்கு அதிகமான கிறிஸ்துமஸ் தினத்திற்கு விளம்பரம் கொடுப்பதை இஸ்லாமிய நாடுகள் விரும்புவதில்லை. இங்கு கிறிஸ்து அறிவிக்கப்படுவதில்லை. பொருள்கள் தான் முக்கியப்படுத்தப் படுகின்றன. இது வர்த்தகர்களின் ஒரு யுக்தியாகத்தான் எடுத்துக்கொள்ள பட வேண்டும். கிறிஸ்துவர்களுக்கும் இந்த விளம்பரங்களுக்கும் சம்பந்தமில்லை. ஆனாலும் இஸ்லாமிய நாடுகள் சம்பந்தப் படுத்துகின்றனர். மலேசியாவிலும் இது உண்டு. ஆனால் இது எடுபடாது! காரணம் வர்த்தகர்களை எந்த அரசாங்கமும் பகைத்துக் கொள்ள விரும்பாது. யாரையோ திருப்திப் படுத்துவதற்காக கொஞ்சம் ஆட்டம் காட்டுகிறார்கள்! சிரித்துவிட்டு போய்க்கொண்டே இருக்க வேண்டியது தான்!
சரியாக கூறினீர் abraham terah . கிறிஸ்துவுக்கும் ‘santa claus ‘ வுக்கும் எந்த சம்பதமும் இல்லை. இன்று சமய விழாக்களை வியாபாரமயமாக வியாபாரிகள் மாற்றிவிட்டனர். யார் தடை செய்தாலும் என் நம்பிக்கையை எவனும் தடை செய்ய முடியாது. கடந்த வார RTM TV 2இல் வசந்தம் நிகழிச்சியில் பல நல்ல செய்திகள் கூறப்பட்டன. நாம் புது பொருள்களை விழா காலத்தில் வாங்காமல் தேவை படும்போது வாங்கலாமே. பெரும்பாலும் விழாகாலத்தில் நாம் சற்று தேவைக்கு அதிகமாகத்தான் செலவு செய்கிறோம். ஆற்றின் பேரு வெள்ளம் அனைத்தையும் தன் வழியில் அடித்துக்கொண்டு போவதுபோல் நம்மை சுற்றி இருப்போரின் செயல்களால் நாமும் ஈர்க்கப்பட்டு இறுதியில் அனைவரும் அந்த சுழலில் மாட்டி தவிக்கிறோம். பெரும்பாலோர் தேவைக்கு பொருள் வாங்காமல் விருப்பத்திற்கும் ஆசைக்கும் வாங்கி பண விரையம் செய்து காலாவட்டத்தில் வாங்கிய பொருள்களும் பயன்பாடில்லாமல் வீணாக இடத்தை அடைத்துக்கொண்டு இருக்கும். எந்த விழாவையும் அவைகளின் பொருள் அறிந்து கொண்டாடினால் எல்லோருக்கும் நலன் பயக்கும். சிந்தித்து செயல்படுவோம் . இறைவன் நம்மை தெளிவடைய ஆசீர்வதித்து வழிநடத்துவாராக.