உத்தியோகபூர்வ பயணம் ஒன்றை மேற்கொண்டு இலங்கை வந்துள்ள இந்திய வெளிவிவகார செயலாளர் எஸ். ஜெய்சங்கர், எதிர்க்கட்சித் தலைவர் இரா.சம்பந்தனை சந்தித்துள்ளார்.

கொழும்பில் இன்று காலை நடைபெற்ற இந்த சந்திப்பு சுமார் ஒரு மணி நேரம் நீடித்ததாக தமிழ்த் தேசியக் கூட்டமைப்பின் பேச்சாளர் ஒருவர் கூறியுள்ளார்.

பிரதானமாக அரசாங்கம் தயாரிக்க உள்ள உத்தேச புதிய அரசியலமைப்புச் சட்டம் தொடர்பாக இருவரும் கலந்துரையாடியுள்ளனர்.

இதனை தவிர 19வது அரசியலமைப்புத் திருத்தச் சட்டம், சுயாதீன ஆணைக்குழுக்கள் நியமிக்கப்பட்டமை தொடர்பாக இருவரும் பேசியுள்ளனர்.

எதிர்க்கட்சித் தலைவர் சுட்டிக்காட்டிய விடயங்களை இந்திய பிரதமர் நரேந்திர மோடியின் கவனத்திற்கு கொண்டு வருவதாக இந்திய வெளிவிவகார செயலாளர் இதன் போது கூறியுள்ளார்.

இந்த பேச்சுவார்த்தையின் இந்திய உயர்ஸ்தானிகர் வை.கே. சிங்ஹாவும் கலந்து கொண்டதாக தெரிவிக்கப்பட்டுள்ளது.

-http://www.tamilwin.com