முன்னாள் பிரதமர் மகாதீர் முகமட் மீண்டும் கோலாலம்பூர் சாலைகளுக்கு வருகிறார்.

மே தினத்தன்று மகாதீர் முகமட்டும் சிலாங்கூர் மாநில மந்திரிபுசார் அஸ்மின் அலியும் மலேசியத் தொழிற்சங்க காங்கிரஸ் (எம்டியுசி) ஏற்பாடு செய்யும் மே தின பேரணியில் கலந்துகொள்கிறார்.

பிரதமர் நஜிப்புக்கு எதிரானப் போராட்டம் தொடங்கியதிலிருந்து மகாதீர் தெருப் போராட்டங்களிலும், பொதுப் பேரணிகளிலும் பங்கேற்பது வழக்கமானதாகி விட்டது. அவர் பிரதமராக இருந்த காலத்தில் இவற்றை பொறுத்துக்கொள்வதே இல்லை.

மே தின கூட்டத்தில் மகாதீர் கலந்துகொள்கிறார் என்பதை அறிவித்த எம்டியுசியின் இடைக்காலத் தலைவர் அப்துல்லா சானி அப்துல் ஹமிட், இக்கூட்டத்தில் தொழிலாளர்கள், அவர்கள் உள்நாட்டினரோ வெளிநாட்டினரோ, தேசிய அளவில் நல்லமுறையில் நடத்தப்பட வேண்டும் என்ற கோரிக்கை விடுக்கப்படும் என்று செய்தியாளர்களிடம் கூறினார்.

இக்கூட்டத்தில் 10,000 லிருந்து 20,000 பேர் வரையில் பங்கேற்பர் என எதிர்பார்ப்பதாக அவர் கூறினார்.