சரவாக்,  சுங்கை  பத்தாங்  லுபார்  பகுதியில்  தேடல், மீட்புப்  பணியில்  ஈடுபட்டிருக்கும்  பாதுகாப்புப்  படையினர்  முதலைகளிடம்  கவனமாக  இருக்கும்படி  எச்சரிக்கப்பட்டுள்ளனர். ஆனால்,  அப்பகுதியில்  இதுவரை  முதலை  எதுவும்  தென்படவில்லை.

லிங்காவுக்கும்   பூலாவ்  செடுகுவுக்குமிடைப்பட்ட   ஆற்றின் பகுதி  முதலைகள்  நிரம்பிய  பகுதியாகும்  என  சரவாக்   போலீஸ் துணை  ஆணையர்  அப்துல்  அசீஸ்  யூசுப்  கூறினார்.

பூலாவ்  செடுகு  சரவாக்கில்  முதலைகளின்  சரணாலயம்.  மலுடும்  தேசியப்  பூங்காவுக்கு  அருகில்  உள்ள  சதுப்பு  நிலங்களிலும்  முதலைகள்  நிறைய  உண்டு.

தேடல், மீட்புப்  பணியில்  ஈடுப்பட்டுள்ள  பாதுகாப்புப்  படையினரிடம்  எந்த  நெருக்கடியையும்  சமாளிக்கும்  ஆயுதங்கள் இருப்பதாகவும்  அப்துல்  அசீஸ் கூறினார்.