1எம்டிபி   தொடர்பாக   அமெரிக்க   நீதித்துறை   தொடுத்துள்ள   வழக்குகளில்   பெயர்  குறிப்பிடப்பட்டிருப்போருக்கு  எதிராகக்  கண்டிப்பாக    நடவடிக்கை   எடுக்கப்படும்   எனப்   பிரதமர்துறை    அமைச்சர்    பால்  லவ்   உறுதி   அளித்துள்ளார்.

ஆனால்,  1எம்டிபி- இலிருந்து   பணம்  கையாடப்பட்டது   முதலில்   நிரூபிக்கப்பட    வேண்டும்  என்றாரவர்.

“1எம்டிபி-இலிருந்துதான்  பணம்  கையாடப்பட்டது   என்பது  நிறுவப்பட்டால்    பெயர்  குறிப்பிடப்பட்டிருக்கும்   தனிப்பட்டவர்கள்மீதும்   1எம்டியை     மோசம்    செய்வதற்கு    உடந்தையாக    இருந்தவர்கள்மீதும்    அரசாங்கம்    நடவடிக்கை   எடுக்கும்”,  என்று  பால்  லவ்  சூளுரைத்தார்.

“நம்மிடம்  களவாடப்பட்ட   பணம்  முழுமையாக    திரும்பக்  கிடைக்க  வேண்டும்.  களவாடியவர்கள்   நம்  நாட்டுச்  சட்டப்படியும்   பணம்  சலவை  செய்யப்பட்ட    நாட்டின்    சட்டப்படியும்   தண்டிக்கப்பட   வேண்டும்”,  என்றாரவர்.