மாராவில் நிதி மோசடி நிகழ்ந்திருக்க சாத்தியம் உண்டு என்று கூறிய பிகேஆர் தலைமைச் செயலாளர் ரபிசி ரம்லிக்கு எதிரான அம்னோ துணைத் தலைவர் கைருல் அஸ்வான் ஹருனின் அவதூறு வழக்கை கோலாலும்பூர் உயர் நீதிமன்றம் இன்று தள்ளுபடி செய்தது.
ரபிசி ஒரு கணிப்பைச் செய்து அதன் அடிப்படையில்தான் அவ்வாறு கூறியுள்ளார் என்றும் அவரது கூற்றில் தீய நோக்கம் இல்லை என்றும் நீதிபதி எஸ்.நந்தபாலன் தீர்ப்பளித்தார்.
“இது மேல்விசாரணை செய்வதற்கு உரிய ஒரு விவகாரம். இதை மக்கள் நல விவகாரமாகக் கருத வேண்டும்”, என நீதிபதி உரைத்தார்.
நீதிமன்ற முடிவை ரபிசியின் வழக்குரைஞர் வில்லியம் லோங் மலேசியாகினியிடம் தெரிவித்தார்.
