அயல் நாடுகளுக்கு முன்னுரிமை வழங்கும் இந்திய அரசின் புதிய கொள்கையின் கீழ் இலங்கை அரசுக்கு முன்னுரிமை வழங்கப்படும் என இலங்கைக்கான இந்திய உயர்ஸ்தானிகர் தரஞ்சித் சிங் தெரிவித்துள்ளார்.
இதன் மூலம் இந்தியா மற்றும் இலங்கை இடையிலான உறவுகள் முன்னர் இல்லாத வகையில் வலுவடையும் எனவும் அவர் கூறியுள்ளார்.
இந்தியாவின் 68 வது குடியரசு தினத்தை முன்னிட்டு கொழும்பில் உள்ள இந்திய இல்லத்தில் இன்று நமைபெற்ற விசேட நிகழ்வில் இந்திய உயர்ஸ்தானிகர் இதனை கூறியுள்ளார்.
இலங்கைக்கும் இந்தியாவுக்கும் இடையிலான வர்த்தக தொடர்புகள் எதிர்காலத்தில் விசேடமான முன்னேற்றத்தை அடையும்.
வேகமாக முன்னேற்றமடைந்து வரும் இந்தியா பொருளாதாரத்தின் பிரதிபலன்கள் இலங்கைக்கும் கிடைக்கும் என இந்திய உயர்ஸ்தானிகர் மேலும் தெரிவித்துள்ளார்.
அதேவேளை இலங்கையில் கொல்லப்பட்ட இந்திய அமைதிப்படையினர் நினைவாக நிர்மாணிக்கப்பட்டுள்ள நினைவிடத்திலும் இந்திய தூதுவர் அஞ்சலி செலுத்தியுள்ளார்.
இதனிடையே கண்டியில் உள்ள இந்திய துணை உயர்ஸ்தானிகர் இல்லத்திலும் இன்று இந்திய குடியரசு தின நிகழ்வு இடம்பெற்றது.
இதன் போது இந்திய தேசிய கொடி ஏற்றபட்டு, இந்திய தேசிய கீதம் இசைக்கப்பட்டது.
இந்திய துணை உயர்ஸ்தானிகர் ராதா வெங்கடராமன் குடியரசு தினம் குறித்து சிறிய உரையை நிகழ்த்தினார்.
இந்த நிகழ்வில் மத்திய மாகாண ஆளுநர் நிலுகா ஏக்கநாயக்க உட்பட முக்கியஸ்தர்கள் பலர் கலந்து கொண்டனர்.
-http://www.tamilwin.com
1. இலங்கையில் கொல்லப்பட்ட இந்திய அமைதிப்படையினர் நினைவாக நினைவிடம் நிர்மாணிக்கப்பட்டுள்ளது. இது பெரிய விஷயம்தான். அன்று ராஜிவ் பிரதமராகயிருந்தக் காலத்தில்தான் இந்திய அமைதி படை இலங்கைச் சென்றது; முதலில் இந்தியா அமைதி படையை அனுப்பியதே பெரியத் தவறு; அன்று இலங்கைச் சென்றது ஆயுதப் படையா அல்லது அமைதிப் படையாயென்று இந்திய அரசு இப்போதுத் தெளிவுப் படுத்த வேண்டும். எந்த நோக்கத்திற்காக இந்தியா தன் அமைதி படையை இலங்கைக்கு அனுப்பியதென்ற உண்மையை இப்போதாவது தெரிவிப்பார்களா?
2. அன்று இலங்கைக்கு அமைதிப் படையை அனுப்பியது இந்தியா தன்னிச்சையாக எடுத்த முடிவு. ஐநா விதிமுறைகளுக்கு மீறியச் செயல். இலங்கைச் சென்ற இந்திய அமைதி படையினர் ஏன் இலங்கையில் கொல்லப் பட வேண்டும்? இலங்கைச் சென்றது அமைதிப் படையென்றால் இந்திய வீரர்கள் கொல்லப் பட வேண்டிய அவசியமில்லையே!!
3. அன்று இலங்கையில் கொல்லப் பட்டது சுமார் 1500 இந்திய வீரர்கள். ஐநா விற்கு மட்டும்தான் எங்கும் அமைதிப் படை அனுப்பும் அதிகாரமும் உரிமையும் உள்ளது. ஐநாவில் அங்கம் வகிக்கும் இந்தியாவிற்கும் இலங்கைக்கும் இந்த உண்மைத் தெரியாதா? அன்று இலங்கைக்கு அமைதிப் படையனுப்ப வேண்டுமென்றால் இந்தியாவும் இலங்கையும் சேர்ந்தே ஐநா விடம் கோரவேண்டும்; ஏன் கோரவில்லை? தெரிந்தும் திரை மறைவில் இந்த இரு நாடுகளும் ஐநா விதிமுறைகளுக்கு எதிராக ஏன் இந்த முடிவினை எடுக்க வேண்டும்?
3. அமைதி படையினர் போர் நடவடிக்கைகளில் ஈடுப்படக் கூடாது. அவர்களின் நோக்கம் அமைதியை ஏற்ப படுத்த வேண்டும்; நடுநிலையோடுதான் நடந்துக் கொள்ள வேண்டும்; தங்கள் தற்காப்பு நடவடிக்கைகளில் மட்டும் தான் ஈடுப் பட முடியும். அப்படித்தான் இலங்கைச் சென்ற இந்திய அமைதி படையினர் நடந்துக் கொண்டார்களா? இந்திய அமைதி படையினர் போர்க் குற்ற நடவடிக்கைகளில் கொஞ்சமும் ஈடுப் படவேயில்லையா? இதுநாள் வரைக்கும் ஐ நா அமைதி படையினர் சென்ற சம்பந்தப் பட்ட நாடுகளில் எந்தப் போர்க் குற்றங்களிலும் ஈடுப் பட்ட்டதாகத் தெரிய வில்லை. ஆனால் இந்தியப் அமைதி படையினர் இலங்கையில் ஐநா விதிமுறைகளுக்கு ஏற்ற வகையில்தான் நடந்துக் கொண்டார்களா?
இந்த உண்மைகளை நம் நாட்டு சமுகத்தின் சிந்தனைக்கும் குறிப்பாக தமிழர்களுக்கும் தமிழக மக்களுக்கும் சமர்ப்பணம் செய்கின்றேன். முதலில் இந்தக் கேள்விகளுக்கெல்லாம் இந்திய அரசிடமிருந்து இப்போதாவது நல்லப் பதில்கள் கிடைக்குமா?
இந்திய அரசு தமிழர்களின் உணர்வுகளை மதித்ததாக இன்றுவரை சரித்திரம் இல்லை .இதில் இருந்து மீண்டுவர அரசியல்வாதிகளை ஒதுக்கிவிட்டு இளம் தமிழர்கள் ஒன்றுபட்டு செயல்படவேண்டும் . மஞ்சுவிரட்டில் இதை கண்டோம் .
சன கண மன அதிநாயக செயகே
பாரத பாக்கிய விதாதா.
பஞ்சாப சிந்து குசராத்த மராட்டா
திராவிட உத்கல வங்கா.
விந்திய இமாச்சல யமுனா கங்கா
உச்சல சலதி தரங்கா.
தவ சுப நாமே சாகே,
தவ சுப ஆசிச மாகே,
காகே தவ செய காதா.
சன கண மங்கள தாயக செயகே
பாரத பாக்கிய விதாதா.
செயகே, செயகே, செயகே,
செய செய செய, செயகே.