அம்னோ   தலைமைச்    செயலாளர்    தெங்கு   அட்னான்   துங்கு   மன்சூர்  தங்கள்    கட்சியில்    ஊழல்   இல்லை    என்று    கூறிக்கொண்டிருந்ததை   அனுவார்   மூசா   மீது   நடக்கும்    விசாரணை  பொய்யாக்கியுள்ளது    என   பாஸ்   துணைத்   தலைவர்  துவான்  இப்ராகிம்    துவான்   மான்    கூறினார்.

“அக்காணொளியை(தெங்கு   அட்னான்  பேசுவதை)க்   காண்போருக்குச்  சிரிப்புத்தான்   வரும்.     அதற்குக்   காரணம்    உண்டு.  அனுவார்மீது  எம்ஏசிசி    விசாரணை   நடத்துகிறதே”, என்றவர்  கூறினார்.

மாரா   தலைவர்   பதவியிலிருந்து   இடைநீக்கம்   செய்யப்பட்டிருக்கும்   அம்னோ   தகவல்   தலைவர்   அனுவார்   மூசாமீது   விசாரணை   மேற்கொண்டிருப்பதாக    எம்ஏசிசி    நேற்று    அறிவித்தது.

மலேசிய   ஊழல்தடுப்பு   ஆணையம்  (எம்ஏசிசி)  அரசியல்வாதிகள்மீது    கவனம்   செலுத்தி  வருவதாக     எச்சரித்திருந்ததை    அடுத்து    கூ  நான்  என்று   அழைக்கப்படும்   தெங்கு   அட்னான்,  கடந்த   வாரம்   அவ்வாறு   கூறியிருந்தார்.