தேர்தல் ஆணையத்தைப் பிரதிநிதிக்கும் வழக்குரைஞர்கள் 1993, 2004 வாக்காளர் பட்டியல்கள் அழிக்கப்பட்டுவிட்டதாக இன்று நீதிமன்றத்தில் தெரிவித்ததற்கு சிலாங்கூர் அரசு கண்டனம் தெரிவித்தது.
இன்று நீதிமன்றத்தில் அத்தகவல் தெரிவிக்கப்பட்டதைக் கேட்டு வியப்படைவதாக சிலாங்கூர் ஆட்சிக்குழு உறுப்பினர் எலிசபெத் வொங் கூறினார்.
“நாங்கள் (சிலாங்கூர் அரசு) அரசாங்க ஆவணங்களை அழிப்பதில்லை. மெர்தேகா காலத்திலிருந்து ஆவணங்களைப் பத்திரமாக வைத்துள்ளோம். ஆனால், இன்று இசி சொல்வதைக் கேட்க வியப்பாக உள்ளது”, என்றார்.
