கோலாலம்பூர், ஜாலான் டூத்தாவிலுள்ள அவரது வீட்டில் முன்னாள் பிரதமர் நஜிப் அப்துல் ரசாக் இன்று மதியம் கைது செய்யப்பட்டார் என்று மலேசிய ஊழல் எதிர்ப்பு ஆணையத்தின் (எம்எசிசி) தலைவர் முகமட் ஷுக்கிரி அப்துல் கூறினார்.
எம்எசிசி மேற்கொண்ட எஸ்ஆர்சி இன்டர்நேசனல் மீதான விசாரனையைத் தொடர்ந்து இக்கைது நடவடிக்கை எடுக்கப்பட்டுள்ளது.
நஜிப் மீது நாளை குற்றம் சாட்டப்படும் என்ற வதந்தி வலுவடைந்துள்ளது.
நஜிப் இன்று பின்னேரம் மணி 3 அளவில் கைது செய்யப்பட்டார் என்றும் புத்ரா ஜெயாவிலுள்ள ஆணையத்தின் தலைமையகத்திற்கு மேல் விசாரணைக்காக அவர் கொண்டு செல்லப்பட்டார் என்றும் ஷுக்கிரி அப்துல் மேலும் கூறினார்.
