கோவிட் 19 | நாட்டில் இன்று நண்பகல் வரையில், 3,142 கோவிட் -19 புதிய நேர்வுகளுடன், ஒட்டு மொத்த எண்ணிக்கை 401,953 -ஆகப் பதிவாகியுள்ளது எனச்  சுகாதாரத் தலைமை இயக்குநர் டாக்டர் நூர் ஹிஷாம் அப்துல்லா தெரிவித்தார்.

மேலும், இன்று 15 மரணங்கள் புகாரளிக்கப்பட்டுள்ளன. இதுவரை இந்நோய்க்கு நாட்டில் 1,477 பேர் பலியாகியுள்ளனர்.

இதற்கிடையில் இன்று, 1,822 நோயாளிகள் குணமடைந்து வீடு திரும்பியுள்ளனர். அவசரப் பிரிவில் 306 பேர் சிகிச்சை பெற்று வருகின்றனர், அவர்களில் 151 பேருக்குச் சுவாசக் கருவியின் உதவி தேவைப்படுகிறது.

நாட்டில் இன்று அனைத்து மாநிலங்களிலும் புதியத் தொற்றுகள் பதிவாகியுள்ளன.

மாநிலங்கள் வாரியாகப் புதியத் தொற்றின் எண்ணிக்கை பின்வருமாறு :-

சிலாங்கூர் : 1,019, கிளந்தான் : 523,  கோலாலம்பூர் : 440, சரவாக் : 416, சபா : 87, ஜொகூர் : 194,  பினாங்கு : 98, நெகிரி செம்பிலான் : 61, பேராக் : 69, கெடா : 120, மலாக்கா : 42, பஹாங் : 15, திரெங்கானு : 40, லாபுவான் : 4, புத்ராஜெயா : 13, பெர்லிஸ் : 1.

இன்று 9 திரளைகள் நிறைவடைந்த நிலையில்,புதிதாக 9 திரளைகள் கண்டறியப்பட்டன.