மலேசியாகினி செய்தி நிறுவனம் வெளியிட்ட மூன்று கட்டுரைகள் தொடர்பாக, மற்றொரு செய்தியாளரின் சாட்சியத்தைப் போலீசார் இன்று எடுத்தனர்.
அந்த மூன்று கட்டுரைகளும், கடந்த பிப்ரவரி மாதம், காவல்துறையினரால் கைது செய்யப்பட்டு, மருத்துவமனையில் சிகிச்சையின் போது இறந்துபோன, பால் வர்த்தகர் ஏ கணபதி (40) தொடர்பானவை.
மலேசியாகினி செய்தியாளர் பி நந்தகுமார், பெட்டாலிங் ஜெயாவில் உள்ள மலேசியாகினி அலுவலகத்தில், இன்று காலை 10 மணிக்குச் சாட்சியம் அளித்தார், கணேசலிங்கம் & கோ சட்ட நிறுவனத்தின் வழக்கறிஞர் கீ ஹுய் யீ அவருடன் இருந்தார்.
இந்த வழக்கில் சாட்சியமளிக்கும் மூன்றாவது மலேசியாகினி ஊழியர் நந்தா ஆவார்.
முன்னதாக, மே 18-ல், மலேசியாகினி துணை ஆசிரியர்கள் ருஸ்னிஸம் மஹாத் மற்றும் எய்டி அஸ்ரி அப்துல்லா இருவரும் கோலாலம்பூர், புக்கிட் அமான் போலிஸ் தலைமையகத்தில் சாட்சியமளிக்க அழைக்கப்பட்டனர்.
பொதுமக்களுக்கு அச்சத்தை ஏற்படுத்தும் நோக்கில், பொது தேசத் துரோகத்தை ஏற்படுத்தியதற்காக தண்டனைச் சட்டத்தின் பிரிவு 505 (பி)-இன் கீழ் இந்த வழக்கு விசாரிக்கப்பட்டு வருகிறது எனக் கூறப்படுகிறது.
