கடந்த 24 மணி நேர நேரத்தில், 22,642 புதியக் கோவிட் -19 நேர்வுகள் பதிவாகியுள்ளதாகச் சுகாதார அமைச்சு தெரிவித்துள்ளது.

மேலும், இன்று 265 கோவிட்-19 இறப்புகள் பதிவாகியுள்ளன. இது நாட்டில் இத்தொற்றுக்குப் பலியானவர் எண்ணிக்கையை 14,818- ஆக உயர்த்தியுள்ளது.

இதற்கிடையில் இன்று, 20,798 நோயாளிகள் குணமடைந்து வீடு திரும்பியுள்ளனர். அவசரப் பிரிவில் 1,003 பேர் சிகிச்சை பெற்று வருகின்றனர், அவர்களில் 490 பேருக்குச் சுவாசக் கருவியின் உதவி தேவைப்படுகிறது.

மாநிலங்கள் வாரியாகப் புதியத் தொற்றின் எண்ணிக்கை பின்வருமாறு :-

சிலாங்கூர் (6,325), சபா (3,224), கெடா (2,279), ஜொகூர் (1,832), சரவாக் (1,667), பினாங்கு (1,427), கிளந்தான் (1,424), பேராக் (1,390), கோலாலம்பூர் (1,128), திரெங்கானு (744), பகாங் (522), மலாக்கா (342), நெகிரி செம்பிலான் (269), பெர்லிஸ் (44), புத்ராஜெயா (21), லாபுவான் (4).

மேலும் இன்று, 42 புதியத் திரளைகள் கண்டறியப்பட்டுள்ளன, அவற்றுள் 23 பணியிடத் திரளைகள் ஆகும்.