RON97 பெட்ரோலின் சில்லறை விலையானது டிசம்பர் 23 முதல் 29 வரையில் லிட்டருக்கு RM3ல் இருந்து RM2.99 ஆகக் குறையும்.
நிதியமைச்சகம், இன்று வெளியிட்டுள்ள அறிக்கையில், இதே காலகட்டத்தில் RON95 பெட்ரோல் மற்றும் டீசல் விலை லிட்டருக்கு முறையே RM2.05 மற்றும் RM2.15 ஆக இருக்கும் என்று தெரிவித்துள்ளது.
தானியங்கி விலை நிர்ணய பொறிமுறையை (APM) பயன்படுத்தி பெட்ரோலியப் பொருட்களின் வாராந்திர சில்லறை விலையின் அடிப்படையில் விலைகள் நிர்ணயிக்கப்பட்டன.
“உலகளாவிய சந்தையில் உண்மையான எண்ணெய் விலை அதிகரிப்பின் தாக்கத்திலிருந்து நுகர்வோரைப் பாதுகாக்க, அரசாங்கம் RON95 மற்றும் டீசல் ஆகியவற்றின் சில்லறை விலைகளை பராமரிக்கிறது, இருப்பினும் இரண்டு பொருட்களின் உண்மையான சந்தை விலை உச்சவரம்பு விலையை விட அதிகரித்துள்ளது,” என்று அது கூறியது.
உலகளாவிய கச்சா எண்ணெய் விலையில் ஏற்படும் மாற்றங்களின் தாக்கத்தை அரசாங்கம் தொடர்ந்து கண்காணித்து, தொடர்ந்து மக்களின் நலன் மற்றும் நல்வாழ்வை உறுதி செய்ய உரிய நடவடிக்கைகளை மேற்கொள்ளும் என்று அதில் தெரிவிக்கப்பட்டுள்ளது.
