கோவிட்-19 (பிப். 16): 27,831 புதிய நேர்வுகள்

சுகாதார அமைச்சகம் இன்று 27,831 புதிய தினசரி கோவிட் -19 நேர்வுகளைப் பதிவு செய்துள்ளது

கடந்த ஆண்டு ஆகஸ்ட் 26 அன்று கோவிட்-19 டெல்டா மாறுபாடு திரளலையின் உச்சத்தில் இருந்தது.

இருப்பினும், டெல்டா அலை போலல்லாமல், தீவிர சிகிச்சையில் உள்ள கோவிட்-19 நோயாளிகளின் எண்ணிக்கை ஒப்பீட்டளவில் குறைவாகவே உள்ளது.

சுகாதார இயக்குநர் ஜெனரல் டாக்டர் நூர் ஹிஷாம் அப்துல்லாவின் கூற்றுப்படி , கோவிட்-19 ஐசியூ பயன்பாட்டு விகிதம் 50 சதவீதத்திற்கு மேல் இருந்த இரண்டு மாநிலங்கள் கோலாலம்பூர் மற்றும் ஜொகூர் மட்டுமே உள்ளன.

தற்போது, 204 கோவிட்-19 நோயாளிகள் தீவிர சிகிச்சைப் பிரிவில் உள்ளனர், அவர்களில் 116 பேர் சுயமாக சுவாசிக்க முடியாமல் உள்ளனர்.

ஒரு வாரத்திற்கு முன்பு தீவிர சிகிச்சை பிரிவில் இருந்த 143 கோவிட்-19 நோயாளிகளுடன் ஒப்பிடும்போது இது 42.7 சதவீதம் அதிகமாகும்.

கோவிட்-19 நோயாளிகள் மருத்துவமனையில் சேர்க்கப்படுவது தொடர்ந்து அதிகரித்து வருகிறது. நேற்றைய நிலவரப்படி 6,619 கோவிட்-19 நோயாளிகள் மருத்துவமனையில் அனுமதிக்கப்பட்டுள்ளனர், இது ஒரு வாரத்திற்கு முன்பு இருந்ததை விட 110 சதவீதம் அதிகம்.

இன்றைய நிலவரப்படி, சிலாங்கூரில் கோவிட்-19 நோயாளிகளுக்காக ஒதுக்கப்பட்ட அனைத்து 1,118 முக்கியமான மருத்துவமனை படுக்கைகளும் ஆக்கிரமிக்கப்பட்டுள்ளன என்று நூர் ஹிஷாம் கூறினார். குறைந்த ஆபத்துள்ள கோவிட்-19 தனிமைப்படுத்தல் மற்றும் சிகிச்சை மையங்களில் (PKRC) தங்கும் விகிதம் 79 சதவீதமாக உள்ளது.

இதற்கிடையில், பேராக் கோவிட்-19 படுக்கை பயன்பாட்டு விகிதத்தில் (87 சதவீதத்தில்) இரண்டாவது இடத்தில் உள்ளது, அதைத் தொடர்ந்து ஜொகூர் (86 சதவீதம்), புத்ராஜெயா (86 சதவீதம்), மற்றும் கிளந்தான் (84 சதவீதம்) உள்ளன. புள்ளிவிவரங்களில் கோவிட் அல்லாத நோயாளிகளுக்காக ஒதுக்கப்பட்ட மருத்துவமனை படுக்கைகள் இல்லை.

தேசிய சராசரியை விட நோய்த்தொற்று விகிதம் அதிகமாக உள்ள மாநிலங்கள் லாபுவான் (2.08), சரவாக் (1.57), சபா (1.52), பெர்லிஸ் (1.41), பினாங்கு (1.4), கெடா (1.4) மற்றும் திரங்கானு (1.36).