ஜொகூர் தேர்தலில் BN வேட்பாளர் Ling Tian Soon இன்று வாக்குப்பதிவு நாளில் ஆதரவு கேட்டு தேர்தல் சட்டங்களை மீறியதாக DAP சட்டமன்ற உறுப்பினர் குற்றம் சாட்டியுள்ளார்.

கெரஞ்சி(Keranji) மாநில சட்டமன்ற உறுப்பினர் Chong Zhemin, யோங் பெங்(Yong Peng) தொகுதியில் போட்டியிடும் லிங் தனது சமூக ஊடக கணக்கில் ஒரு வீடியோவை பதிவேற்றியதாக கூறினார்.

“இந்த வீடியோ கிளிப் இன்று அதிகாலை 1.30 மணியளவில் அவரது பேஸ்புக் பக்கத்தில் பதிவேற்றப்பட்டது. வாக்குப்பதிவு நாளில் ஆதரவு கேட்டு பிரச்சாரம் செய்வது தேர்தல் சட்டத்தை மீறுவதாகும்,” என்று மலேசியாகினிக்கு அனுப்பிய குறுஞ்செய்தியில் சோங் கூறினார் .

லிங் மீது உடனடியாக நடவடிக்கை எடுக்க வேண்டும் என்று தேர்தல் ஆணையத்தை வலியுறுத்துகிறேன்.

4 நிமிடப் பதிவில், லிங்கின் மனைவி “யோங் பெங்” என்று எழுதப்பட்ட நீல நிற சட்டை அணிந்திருந்தார்.

அரசியல் வேலைகளில் மும்முரமாக இருக்கும் கணவர் தொகுதி மக்களுக்கு சேவை செய்ததன் அனுபவத்தையும் தனது உணர்வுகளையும் பகிர்ந்து கொண்டார்.

அவர் தோற்றபோது (2018 பொதுத் தேர்தலில்), அவர் சோகமாக இல்லை மகிழ்ச்சியுடனே இருந்தார். தியான் சூனுக்கு வாக்களிக்கத் தேவையில்லை, ஏனென்றால் அவருக்கு வாக்களிக்காவிட்டாலும் அவர் தொடர்ந்து பணியாற்றுவார் என்று பலர் கருதினர்.

ஆனால், அவருக்கு அளிக்கப்படும் வாக்கு அவரை கவுரவப்படுத்துவதற்காகவே என்று நினைக்கிறேன்.

“அவருக்கு வாக்களியுங்கள் மற்றும் பல ஆண்டுகளாக அவர் செய்த பணியைப் பாராட்டுங்கள்,” என்ற வார்த்தைகளும் பதிவு செய்யப்பட்டன.

இதற்கிடையில், கட்சி சின்னம் எதுவும் காட்டப்படாததால், இந்த வீடியோ கிளிப், ஆதரவைப் பெறுவதற்காக அல்ல என்று லிங் விளக்கினார், மேலும் அந்த இடுகை அவரது பேஸ்புக் கணக்கில் பதிவேற்றப்பட்டது.

“இது எனக்காக என் மனைவியிடமிருந்து ஒரு சிறிய வீடியோ, நான் அதை பகிர்ந்தேன். நான் (மேலும்) சமூக ஊடகங்களில் என் வாழ்க்கையை உங்கள் அனைவருக்கும் பகிர்ந்தேன். இது ஒரு சாதாரண விஷயம்,” என்றார்.

ஜொகூரில் செய்தியாளர்களை சந்தித்தபோது, ​​“நீங்கள் என்னை ஆதரிக்க வேண்டும் என்று, எனது கட்சியின் சின்னத்தை காண்பிக்கும் நேரடி ஒளிபரப்பை நான் செய்யவில்லை,” என்று மேலும் கூறினார்.