நோய் எதிர்ப்பு சக்தி குறைவாக உள்ளவர்களுக்கு இரண்டாவது கோவிட்-19 ஊக்க அளவை சுகாதார அமைச்சகம் பரிசீலித்துள்ள நிலையில், அதிக ஆபத்துள்ள மக்களுக்கு நான்காவது தடுப்பூசி அளவை வழங்கும் நாடுகளைப் பின்பற்றுமாறு ஒரு வைராலஜிஸ்ட் வலியுறுத்தியுள்ளார்.

இஸ்ரேலில் மேற்கொள்ளப்பட்ட சமீபத்திய ஆய்வை மேற்கோள் காட்டி,  யுனிவர்சிட்டி சயின்ஸ் மலேசியாவைச் சேர்ந்த குமிதா தேவா தாஸ், மூன்றாவது தவணைக்கு சில மாதங்களுக்குப் பிறகு முதியவர்களிடையே நோய் எதிர்ப்பு சக்தி குறையும் என்றும் கூடுதல் ஊக்க மருந்து தேவை என்றும் அவர் கூறினார்.

ஜனவரி 10 முதல் மார்ச் 2 வரை, ஓமிக்ரான் மாறுபாடு அதிகமாக இருந்தபோது இந்த ஆய்வு நடத்தப்பட்டது. Pfizer/BioNTech தடுப்பூசியின் நான்காவது தவணை வயதானவர்களிடையே தொற்று விகிதங்களைக் குறைத்ததுள்ளது.

60 மற்றும் அதற்கு மேற்பட்ட வயதுடைய 1.3 மில்லியன் மக்களைப் பார்த்த ஆராய்ச்சியாளர்கள், டோஸ் எடுத்த ஆறு வாரங்களில் கடுமையான நோய்க்கு எதிரான பாதுகாப்பு குறையவில்லை, ஆனால் அதன் நீண்ட கால பாதுகாப்பை மதிப்பிடுவதற்கு மேலும் ஆய்வுகள் தேவை என்று கூறினார்கள்.

குமிதா தேவ தாஸ்

மார்ச் மாதத்தில் இஸ்ரேலில் இருந்து மேற்கொள்ளப்பட்ட மற்றொரு ஆய்வு, Pfizer/BioNTech தடுப்பூசியின் இரண்டு ஊக்க அளவுகளை பெற்ற முதியவர்களின் இறப்பு விகிதம் 78விழுக்காடு குறைவாக இருப்பதாகக் காட்டுகிறது.

“இளைஞர்கள், ஆரோக்கியமானவர்கள் நான்காவது மருந்தால் அதிகம் பயனடைய மாட்டார்கள், ஆனால் இது வயதானவர்களுக்கும் துணை நோய் உள்ளவர்களுக்கும் பயனுள்ளதாக இருக்கும்” என்று தாஸ் பத்திரிகையிடம் கூறினார்.

“அதே ஆய்வானது இரண்டாவது ஊக்கத்தைப் பெற்ற வயதானவர்களிடையே மருத்துவமனையில் சேர்க்கப்படுவதையும் இறப்புகளையும் குறைப்பதைக் காட்டுகிறது.”

நோயெதிர்ப்பு குறைபாடுள்ள பிரிவில் உள்ளவர்களுக்கு நான்காவது கோவிட் -19 தடுப்பூசி அளவை வழங்குவது குறித்து அமைச்சகம் இன்னும் பரிசீலித்து வருவதாக சுகாதார அமைச்சர் கைரி ஜமாலுடின்அறிக்கை குறித்து கருத்து தெரிவித்துள்ளார்.

சுகாதாரம் மற்றும் சமூகக் கொள்கைக்கான கேலன் மையத்தின் தலைமை நிர்வாகி அஸ்ருல் முகமட் காலிப், நான்காவது தவணை குறித்து அமைச்சகம் முடிவு செய்ய வேண்டுமானால், அது ஏன் அவசியம் என்று பொதுமக்களிடம் தெரிவிக்க வேண்டும் என்றார்.

அஸ்ருல் முகமது காலிப்

பொதுமக்களின் நலன் எது என்பதை மக்கள் தான் முடிவு செய்ய வேண்டும் என்றார் அவர்.”கூடுதல் தடுப்பூசி மருந்து எடுக்க அவர்களை கட்டாயப்படுத்தவோ,  அல்லது அழுத்தம் கொடுக்கவோ கூடாது. மக்கள் தங்கள் சொந்த ஆரோக்கியத்தைப் பாதிக்கும் விஷயங்களில் தகவலறிந்து  முடிவுகளை எடுக்க வேண்டும், ”என்று அவர் கூறினார்.

-freemalaysiatoday