அம்னோ தலைவர் அஹ்மட் ஜாஹிட் ஹமிடி, 1997 ஆம் ஆண்டில் யயாசன் அகல்புடியை தர்மம் மற்றும் மதத்திற்காக நிறுவியதாகக் கூறினார், அந்த நேரத்தில் அவர் தனது மாதாந்திர கார்ப்பரேட் சம்பளமான RM120,000 இல் முக்கால்வாசியை அத்தகைய நோக்கங்களுக்காகப் பயன்படுத்தியதாக கூறினார்.

யயாசன் அகல்புடி நிதி தொடர்பான குற்றவியல் நம்பிக்கை மீறல் (CBT), ஊழல் மற்றும் பணமோசடி தொடர்பான அவரது 47 குற்றச்சாட்டுகள் மீதான நீதிமன்ற விசாரணையில் அவர் தனது சாட்சி வாக்குமூலத்தில் இதனைத் தெரிவித்தார்.

“அந்த நேரத்தில் (கார்ப்பரேட் உலகில் இருந்தபோது), நான் மாதம் 120,000 ரிங்கிட் சம்பளம் பெற்றுக் கொண்டிருந்தேன், என்னுடைய சொந்த உபயோகத்துக்கும் என் குடும்பத்துக்கும் ரிம30,000 முதல் 40,000 வரை மட்டுமே பயன்படுத்தினேன். எஞ்சியதை நான் தொண்டு, வகாஃப்(wakaf), இன்ஃபாக்(infaq) மற்றும் பிற தொண்டு பணிகளுக்காக மத மற்றும் நலனுக்காக பயன்படுத்தினேன்”.

“தொண்டு வேலைகள் மற்றும் மத நோக்கங்களின் அடிப்படையில், நான் 1997 இல் யயாசன் புடி என்ற அறக்கட்டளையை உருவாக்கினேன் (அதன் பெயர் பின்னர் யயாசன் அகல்புடி என மாற்றப்பட்டது)” என்று ஜாஹிட் கூறினார்.

இந்த அறக்கட்டளை தனது நாடாளுமன்றத் தொகுதியான பகான் டத்தோவை (Bagan Datuk) மட்டும் கவனம் செலுத்தவில்லை என்றும், பொதுவாக தேவைப்படுபவர்களுக்கு உதவுவதற்காகவே என்றும் அவர் கூறினார்.

அந்தவகையில், யயாசன் அகல்புடியின் நிதியை தனிப்பட்ட காரணங்களுக்காக பயன்படுத்துமாறு தாம் எவரையும்  அறிவுறுத்தியதில்லை என ஜாஹிட் கூறினார்.

யயாசன் அகல்புடியின் செலவுகள் மற்றும் பொறுப்புகள் அவரே தனிப்பட்ட முறையில் ஏற்றுக்கொண்டதாகவும் கூறினார்.

தன் உருவாக்கத்தின் ஆரம்ப கட்டத்தில், அறக்கட்டளையின் நிதியுதவியின் பெரும்பகுதி கார்ப்பரேட் உலகில் அவர் தனது தனிப்பட்ட சேமிப்பிலிருந்து வந்தது, அவர் மேலும் கூறினார்.

நலன் மற்றும் தொண்டு பணிகளுக்கு பங்களிக்க விரும்பும் எவரிடமிருந்தும் அனைத்து வகையான பங்களிப்புகளையும் நிதியுதவிகளையும் யாயாசன் அகல்புடி ஏற்றுக்கொள்கிறது. என்று முன்னாள் துணைப் பிரதமர் நீதிமன்றத்தில் தெரிவித்தார்.

யாயாசன் அகல்புடியின் தொண்டுப் பணிகள் 2013 ஆம் ஆண்டிலிருந்து  மக்களால் நன்கு அறியப்பட்ட பிறகு, யயாசன் அகல்புடி எனது நண்பர்களான (முன்னாள் பாதுகாப்புப் படைத் தலைவர்) முகமது ஹாஷிம் அலி, (வணிகர்கள்) சையத் மொக்தார் அல்-புகாரி, ஹலீம் சாத் மற்றும் அஹ்மத் ஜோஹன் போன்றவர்களிடமிருந்து பங்களிப்புகளைப் பெறத் தொடங்கினார்.

“யயாசன் அகல்புடி ஒருபோதும் யாரையும் அறக்கட்டளைக்கு பங்களிப்பதைத் தடுக்கவில்லை,” என்று அவர் மேலும் கூறினார்.

குற்றஞ்சாட்டப்பட்டவர்களை குறுக்கு விசாரணையின் போது விசாரிக்க அரசுத் தரப்புக்கு வாய்ப்பு வழங்கப்பட்ட நிலையில், சத்தியப்பிரமாணத்தின் கீழ் சாட்சியமளிக்க ஜாஹிட் இன்று காலை சாட்சி நிலையத்திற்குச் சென்றார்.

ஜனவரி 24 அன்று, உயர் நீதிமன்ற நீதிபதி கொலின் லாரன்ஸ் செக்வேரா, ஜாஹித் 12 CBT குற்றச்சாட்டுகள், எட்டு ஊழல் மற்றும் 27 அறக்கட்டளைக்கு சொந்தமான பல்லாயிரக்கணக்கான ரிங்கிட் சம்பந்தப்பட்ட பணமோசடி குற்றச்சாட்டுகளுக்கான அவரின் பிரதிவாதத்தை சமர்பிக்க உத்தரவிட்டார்.

இந்த வழக்கு விசாரணை நவம்பர் 18, 2019 அன்று தொடங்கியது. அரசுத் தரப்பு 99 சாட்சிகளை அழைத்த பிறகு மார்ச் 19, 2021 அன்று வழக்கை முடித்துக்கொண்டது.