SRC International Sdn Bhd மற்றும் அதன் இரண்டு துணை நிறுவனங்களால் அரசியல் கட்சிக்கு எதிராக தாக்கல் செய்யப்பட்ட வழக்கை முறியடிப்பதற்கான அம்னோவின் மேல்முறையீட்டு மனுவை மேன்முறையீட்டு நீதிமன்றம் நேற்று தள்ளுபடி செய்தது.

நீதிபதிகள் ஹதாரியா சையத் இஸ்மாயில், அபுபக்கர் ஜெய்ஸ் மற்றும் மரியானா யஹ்யா ஆகியோர் அடங்கிய மூன்று பேர் கொண்ட குழு, அம்னோவின் மேல்முறையீட்டில் எந்த தகுதியும் இல்லை என்பதைக் கண்டறிந்தது.

“இது ரத்து செய்வதற்கான ஒரு தெளிவான மற்றும் வெளிப்படையான வழக்கு அல்ல,” என்று குழுவின் தலைவராக இருந்த ஹதரியா கூறினார்.

நம்பிக்கைக் கடமையை மீறுதல், நம்பிக்கை மீறல், நம்பிக்கைப் பணத்தை தவறாகப் பயன்படுத்துதல் மற்றும் நம்பிக்கைப் பண மோசடி உள்ளிட்ட பல பிரச்சினைகள் மனுக்களில் எழுப்பப்பட்டுள்ளன, அவை முழு விசாரணையின் மூலம் மட்டுமே தீர்மானிக்கப்படும் என்று அவர் கூறினார்.

கடந்த ஆண்டு நவம்பர் 10-ம் தேதி வழக்கை நிறுத்த அம்னோவின் விண்ணப்பத்தை உயர்நீதிமன்றம் நிராகரித்ததை ஹதாரியா உறுதி செய்தார்.

SRC இன்டர்நேஷனல் மற்றும் அதன் துணை நிறுவனங்கள் தங்கள் சம்மன் மற்றும் உரிமைகோரல் அறிக்கையில் பிரதிவாதிகளின் பெயர்களை திருத்த அனுமதிக்கும் உயர் நீதிமன்றத்தின் தீர்ப்பிற்கு எதிரான அம்னோவின் மேல்முறையீட்டையும் குழு ரத்து செய்தது.

இந்த மேல்முறையீட்டு மனுவை நீதிபதிகள் குழு இயங்கலையில் விசாரித்தது.

நிறுவனங்கள் ஆரம்பத்தில் அம்னோவை அதன் தலைவர் அஹ்மட் ஜாஹிட் ஹமிடி மற்றும் அதன் பொதுச்செயலாளர் அஹ்மத் மஸ்லான் ஆகியோர் பிரதிவாதிகளாக பெயரிட்டு வழக்கு தொடர்ந்தனர்.

எவ்வாறாயினும், ஜாஹிட் மற்றும் அஹ்மத் மஸ்லான் ஆகியோருக்கு பதிலாக அம்னோ செயலர் முகமட் சுமாலி ரெடுவானைக் கொண்டு சம்மன் மற்றும் உரிமைகோரல் அறிக்கையில் பிரதிவாதிகளின் பெயர்களை திருத்துவதற்கு நிறுவனங்களின் விண்ணப்பத்தை உயர்நீதிமன்றம் அனுமதித்தது

மே 10, 2021 அன்று, நிதி அமைச்சகம் 1MDB மற்றும் அதன் துணை நிறுவனமான SRC International Sdn Bhd, பல்வேறு உள்ளூர் கட்சிகளிடமிருந்து ரிம300 மில்லியன் உட்பட ரிம96.6 பில்லியனுக்கும் அதிகமான சொத்துக்களைக் கோர 22 சிவில் வழக்குகளை தாக்கல் செய்துள்ளதாக உறுதிப்படுத்தியது.

கடந்த ஆண்டு மே 7 ஆம் தேதி, 6 வழக்குகள் 1MDB மற்றும் 16 SRC வழக்குகள் தாக்கல் செய்யப்பட்டதாக அது கூறியது.

வழக்கறிஞர் நூர் சியாஃபினாஸ் வாணி அப்துல்லா SRC International, கண்டிஙன் மெந்தரி  மந்திரி(Gandingan Mentari) மற்றும் ஜென்டெலா பிங்கிரன்(Jendela Pinggiran) ஆகியோரை பிரதிநிதித்துவப்படுத்தினார்.