2021 ஆம் ஆண்டில் பிறக்கும் போது உள்ள ஆயுள்கால எதிர்பார்ப்பு ஏறக்குறைய 12 ஆண்டுகள் அதிகரித்து, 75.6 ஆண்டுகளாக உள்ளது என   புள்ளியியல் துறை தெரிவித்துள்ளது.

உலக மக்கள்தொகை தினத்தை முன்னிட்டு, ஐந்து தசாப்தங்களுக்கு முன்னர், ஆயுட்காலம் 63.6 ஆண்டுகள் என்று தலைமை புள்ளியியல் நிபுணர் உசிர் மஹிடின் ஒரு அறிக்கையில் தெரிவித்தார்.

ஆயுட்காலம் தொடர்ந்து அதிகரித்து வருவதால், 2030-க்குள் மலேசியா முதியோர் எண்ணிக்கையை சந்திக்கும் என்று அவர் கூறினார்.

அந்த நேரத்தில், 60 வயது மற்றும் அதற்கு மேற்பட்டவர்களின் சதவீதம் மொத்த மக்கள் தொகையில் 15.3 சதவீதத்தை எட்டும்.

“எனவே, ஓய்வூதியத்தின் போது ஏற்படும் சிக்கல்களைத் தவிர்க்க நிதி மற்றும் சுகாதாரத் திட்டமிடல் இருக்க வேண்டும்.

மலேசியாவின் மக்கள்தொகை 1970 இல் 3.6% ஆக இருந்ததை ஒப்பிடுகையில் 2020 இல் 1.7% மெதுவான விகிதத்தில் உலகளாவிய போக்குக்கு ஏற்ப வளர்ந்ததுள்ளது , என்று உசிர் மஹிடின் கூறினார்.

குறைவான கருவுறுதல் விகிதம், நீண்ட ஆயுட்காலம், வயது கட்டமைப்பில் மாற்றங்கள் மற்றும் இடம்பெயர்வு ஆகியவை இதற்குக் காரணம்.

“மலேசியாவில் இனப்பெருக்க வயதில் பெண்களின் மொத்த கருவுறுதல் விகிதம் 1970 இல் 4.9 குழந்தைகளுடன் ஒப்பிடுகையில் 2020 இல் 1.7 குழந்தைகளாகக் குறைந்துள்ளது. இது ஐந்து தசாப்தங்களில் மிகக் குறைவானது” .

வயது விநியோகத்தின் மாற்றங்களின் அடிப்படையில், 15 வயதுக்குட்பட்ட குழந்தைகளின் சதவீதம் 1970 இல் 44.9% ஆக இருந்து 2020 இல் 24% ஆக குறைந்துள்ளது .மலேசியாவில் 15 வயதுக்குட்பட்ட குழந்தைகள் நான்கு பேரில் ஒருவர் ஆவார், இது 2030க்குப் பிறகு ஐந்தில் ஒருவராகக் குறையும் என்று கணிக்கப்பட்டுள்ளது.

“இளம் வயதின் குறைந்து வரும் போக்கு மற்றும் முதுமையின் குறிப்பிடத்தக்க அதிகரிப்பு ஆகியவை எதிர்காலத்தில் வேலை செய்யும் வயது வரம்பில் உள்ளவர்களின் எண்ணிக்கையை பாதிக்கும்.

“உழைக்கும் வயது மக்கள்தொகை 15-64 வயது 1970 இல் 52.1% இல் இருந்து 2020 இல் 69.3% ஆக அதிகரித்துள்ளது. இது 2040 ஆம் ஆண்டில் மொத்த மக்கள்தொகையில் 66.9% ஆக மெதுவாக குறையும்.

மலேசியாவின் மக்கள்தொகை 2040ல் 41.5 மில்லியனாக உயரும்.

“மக்கள்தொகை வளர்ச்சி உணவு உற்பத்தி மற்றும் உணவு மாற்றங்களை தூண்டும், இது உணவு பாதுகாப்பை பாதிக்கும். நமது மட்டுப்படுத்தப்பட்ட விவசாய நிலம் மற்றும் காலநிலை மாற்றம் ஆகியவற்றுடன் உணவுப் பாதுகாப்பிற்கு இடையே உள்ள சமநிலை ஆகியவை கவனிக்கப்பட வேண்டிய சவால்களில் அடங்கும்”.

மலேசியாவின் மக்கள்தொகை 2020 இல் மொத்தம் 32.4 மில்லியனாக இருந்தது, கோலாலம்பூரில் ஒரு சதுர கிமீக்கு 8,157 பேர் மற்றும் புத்ராஜெயாவில் ஒரு சதுர கிமீக்கு 2,215 பேர் எனவும் கூட்டாட்சி பிரதேசங்களில் அதிக அடர்த்தி பதிவு செய்யப்பட்டுள்ளது, என்றும் ஆய்வில் தெரியவந்துள்ளது என்று அவரை கூறியுள்ளார்.

FMT