பார்ட்டி பூமிபுத்ரா பெர்காசா மலேசியா (புத்ரா) துணைத் தலைவர் ஹமிதா ஒஸ்மான், Gerakan Tanah Air (GTA) கூட்டணியில் இணைந்ததில் ஏமாற்றம் அடைந்து இன்று கட்சியிலிருந்து விலகுவதாக அறிவித்தார்.
“GTA வில் இணைந்து முன்னாள் பிரதமர் டாக்டர் மகாதீர் முகமதுவுடன் இணைந்து பணியாற்றுவதற்கான கட்சித் தலைவரின் முடிவால் நான் மிகவும் வருத்தமாகவும் ஏமாற்றமாகவும் உணர்கிறேன்”.
“கொள்கையளவில், கட்சித் தலைவர் மற்றும் அதன் பிற தலைவர்கள் மீதான நம்பிக்கையை இழக்கும் அடையாளமாகவும், துன் மகாதீருடன் தங்களை இணைத்துக் கொண்டதன் அடையாளமாகவும், புத்ராவில் எனது அனைத்து பதவிகளையும் துறந்துவிட்டு, கட்சியை விட்டு உடனடியாக வெளியேற விரும்புகிறேன், “என்று ஈபோவில் ஒரு செய்தியாளர் கூட்டத்தில் அவர் கூறினார்.
சுங்கை ரபத்தின்( Sungai Rapat) முன்னாள் மாநில சட்டமன்ற உறுப்பினர், தான் எந்த அரசியல் கட்சியிலும் சேரப்போவதில்லை என்றும், ஆனால் Malay reserve land பிரச்சினையை ஒரு அரசு சாரா அமைப்பு (NGO) போன்ற பொருத்தமான தளத்தில் தொடர்ந்து பாடுபடுவேன் என்றும் கூறினார்.
ஆகஸ்ட் 5 அன்று, Parti Pejuang Tanah Air (Pejuang) தலைவர் மகாதீர், 15 வது பொதுத் தேர்தலை எதிர்கொள்ளும் வகையில் பல்வேறு அரசியல் கட்சிகள் மற்றும் தன்னார்வ தொண்டு நிறுவனங்களை உள்ளடக்கிய GTA வை உருவாக்குவதாக அறிவித்தார்.
