சட்டவிரோதமாக மலேசியாவுக்கு அனுப்பப்பட்ட மின்னணு கழிவுகள் அதன் சொந்த நாடான அமெரிக்காவுக்கு திருப்பி அனுப்பப்படும்.

வடக்கு பட்டர்வொர்த் கொள்கலன் முனையத்தில் (North Butterworth Container Terminal) நடந்த இடச் சோதனையின்போது மின்னணு கழிவுகள் நிறைந்த கொள்கலன் கண்டுபிடிக்கப்பட்டதாகப் பினாங்கு சுற்றுச்சூழல் துறை இயக்குநர் ஷரீஃபா ஜாகியா சையத் சஹாப்(Sharifah Zakiah Syed Sahab) கூறினார்.

இந்த நடவடிக்கையை மாநில DOE, சுங்கத் துறை, சிரிம் QAS International மற்றும் NBCT துறைமுக அதிகாரி ஆகியோர் மேற்கொண்டனர்.

அமெரிக்காவுக்கு திருப்பி அனுப்பப்படும் இந்தக் கொள்கலன், ‘அலுமினிய கலவை’ குறித்த அதன் வெளிப்படையான அறிவிப்பு தவறானது என்று சந்தேகிக்கப்பட்டதை அடுத்து முன்பு பறிமுதல் செய்யப்பட்டது.

கொள்கலனில் கழிவுகள் ஏற்றப்பட்டதாகவும், அதைத் திருப்பித் தரவோ அல்லது அபராதத்தை எதிர்கொள்ளவோ இறக்குமதியாளருக்கு பணிக்கப்பட்டதாக ஷஃபிரா கூறினார்.

“ஆய்வின்போது, 40 அடி கொள்கலனில் அச்சிடப்பட்ட சர்க்யூட் போர்டுகள் (printed circuit boards), உள் ஹார்ட் டிஸ்க் டிரைவ்கள், சிபியூக்கள் மற்றும் பிற மின்னணு கூறுகளிலிருந்து 38 துண்டுகள் குப்பை கழிவுகள் கண்டுபிடிக்கப்பட்டன, அவை SW 110 (e-waste) முதல் அட்டவணை, சுற்றுச்சூழல் தரம் (Scheduled Waste) ஒழுங்குமுறைகள் 2005 இன் கீழ் அட்டவணைப்படுத்தப்பட்ட கழிவுகளாக வகைப்படுத்தப்பட்டன”.

“கொள்கலனை உற்பத்தி செய்யும் நாட்டிற்குத் திருப்பி அனுப்புவதற்காக 1974 ஆம் ஆண்டின் சுற்றுச்சூழல் தரச் சட்டத்தின் 31 மற்றும் 37 ஆம் பிரிவுகளின் கீழ் அறிவுறுத்தல் அறிவிப்பு இறக்குமதியாளருக்கு வழங்கப்பட்டது”.

அவ்வாறு செய்யத் தவறினால், பிரிவு 34B இன் கீழ் அதிகபட்சமாக  ரிம 500,000 அபராதம் விதிக்கப்படும் மற்றும் அதிகபட்சமாக ஐந்து ஆண்டுகள் கட்டாயச் சிறைத்தண்டனை விதிக்கப்படும்.

“கிள்ளான், சிலாங்கூரில் உள்ள முகவரியுடன் இறக்குமதி செய்பவர், அவர் வழங்கப்பட்ட அறிவுறுத்தல்களுக்கு கீழ்ப்படியவில்லை என்றால், அறிவிப்புக்கு இணங்கத் தவறிய குற்றத்திற்காகப் பிரிவு 31 மற்றும் 37 இன் கீழ் நடவடிக்கைக்கு உட்படுத்தப்படலாம்”.

“DOE மின் கழிவுகளின் மாதிரியைச் சேகரித்துள்ளது,” என்று அவர் இன்று வெளியிட்ட அறிக்கையில் கூறினார்.

வெளிநாட்டிலிருந்து மின்னணு கழிவுகளைச் சட்டவிரோதமாக இறக்குமதி செய்வது சட்டம் மற்றும் பேசல் உடன்படிக்கைக்கு(Basel Convention) எதிரானது என்றும் அவர் கூறினார்.

அபாயகரமான இரசாயனங்கள்

மின்னணு கழிவுகளைச் சட்டவிரோதமாக அகற்றுவதும், செயலாக்குவதும் சுற்றுச்சூழலுக்கும் ஆரோக்கியத்துக்கும் எதிர்மறையான தாக்கங்களை ஏற்படுத்தலாம், குறிப்பாகப் பெரும்பாலான கழிவுகள் உரிமம் இல்லாத வளாகங்களுக்குச் சட்டவிரோத செயலாக்கத்திற்காக அனுப்பப்படும்போது அல்லது அதை எரித்து அல்லது நடவு செய்வதன் மூலம் அப்புறப்படுத்தப்பட்டால் மோசமாக இருக்கும் என்று அவர் கூறினார்.

கட்டுப்பாட்டு சாதனங்கள் இல்லாமல் மின்னணு கழிவுகளைச் சட்டவிரோதமாகச் செயலாக்குவது மண், நீர் மற்றும் காற்றை மாசுபடுத்தும் கனரக உலோகங்கள் உள்ளிட்ட அபாயகரமான இரசாயனங்கள் வெளியிடுவதற்கு வழிவகுக்கும் என்று ஷரிபா கூறினார்.

மலேசியாவில் உற்பத்தி செய்யப்படும் மின் மற்றும் மின்னணு கழிவுகள் DOE ஆல் உரிமம் பெற்ற வளாகத்தில் மட்டுமே அனுப்பப்பட்டு செயலாக்கப்பட வேண்டும்.

மின் கழிவுகளில் மறுசுழற்சி செய்யக்கூடிய பொருட்கள் உள்ளன, ஆனால் மறுசுழற்சி செய்ய முடியாத பொருட்கள் அங்கீகரிக்கப்பட்ட மற்றும் பாதுகாப்பான முறையில் அகற்றப்பட வேண்டும்.