சபா BN மற்றும் அம்னோ ஆகியவை நம்பிக்கை மீறலைக் காரணம் காட்டி, ஹாஜி நூருக்கு மாநில தலைவராக அளித்த ஆதரவை ரத்து செய்துள்ளன.

அம்னோ கூட்டத்தைத் தொடர்ந்து நேற்று இரவு கோத்தா கினாபாலுவில் நடந்த செய்தியாளர் கூட்டத்தில் சபா  BN தலைவர் புங் மொக்தார் ராடின் இந்த விஷயத்தை அறிவித்தார்.

அமைச்சரவை மற்றும் அரசாங்கத்துடன் தொடர்புடைய நிறுவனங்களில் பதவிகளுக்கு ஈடாகக் கூட்டணி ஹாஜியின் தலைமையை ஆதரிக்கும் ஒரு புரிதலை ஹாஜிஜி மீறியதாக அவர் குற்றம் சாட்டினார்.

“இது தெளிவாகிறது, ஹாஜி இன்று பரஸ்பர புரிதலை மீறிச் சாலே சயீத் கெருவாக்கிற்கு (Qhazanah Sabah) தலைவர் பதவிநீக்கக் கடிதத்தை வழங்கினார். ஹாஜிஜி முன் விவாதமோ அல்லது பேச்சுவார்த்தையோ இல்லாமல் அமைச்சரவையை மறுசீரமைப்பதாக அச்சுறுத்தியுள்ளார்”.

சபா முதல்வர் ஹாஜி நூர்

“அதன் மூலம், எங்கள் முடிவு ஒருமனதாக உள்ளது. அம்னோவும் பிஎன்னும் ஹாஜிஜிக்கு சபாவின் முதலமைச்சராக இருந்து ஆதரவை வாபஸ் பெற்றன,” என்று அவர் செய்தியாளர் சந்திப்பின் வீடியோ பதிவின் அடிப்படையில் கூறினார்.

79 உறுப்பினர்களைக் கொண்ட சபா சட்டசபையில் அம்னோ/பிஎன் மொத்தம் 17 இடங்களைக் கொண்டுள்ளது. மக்களவையில் தனிப்பெரும்பான்மை பெற குறைந்தபட்சம் 40 இடங்கள் தேவை.

ஹாஜிஜியின் கபுங்கன் ராக்யாட் சபா (GRS) சட்டமன்றத்தில் 29 இடங்களைக் கொண்டுள்ளது. பக்காத்தான் ஹராப்பானைச் சேர்ந்த ஏழு பேர் உட்பட பல்வேறு கட்சிகளைச் சேர்ந்த 14 சட்டமன்ற உறுப்பினர்களிடமிருந்து நம்பிக்கை மற்றும் வழங்கல் ஒப்பந்தங்களின் (confidence and supply agreements) வடிவத்திலும் அவரது அரசாங்கத்திற்கு ஆதரவு உள்ளது.

அம்னோ வெளியேறுவதற்கு முன்பு மாநிலத்தில் இருந்த ஒரே எதிர்க்கட்சியான வாரிசன் 19 சட்டமன்ற உறுப்பினர்களைக் கொண்டுள்ளது.

ஹாஜிஜியின் ஆதரவை ரத்து செய்யும் முடிவை ஏற்காத ஐந்து அம்னோ சட்டமன்ற உறுப்பினர்கள் இருப்பதாகப் பங் கூறினார்.

“ஆனால் என்னைப் பொறுத்தவரை அது ஒரு பொருட்டல்ல. என்னைப் பொறுத்தவரை இது கட்சி முடிவு.

“கட்சியின் முடிவே இறுதியானது, கட்சி முடிவை ஆதரிக்காத அம்னோ சட்டமன்ற உறுப்பினர்மீது ஒழுங்கு நடவடிக்கை உட்பட தேவையான எந்த நடவடிக்கையும் எடுப்போம்.”

அடுத்து BN வாரிசானுடன் இணைந்து செயல்படுமா என்று கேட்டதற்கு, பிஎன் “யாருடனும், எந்தக் கட்சியுடனும், அவர்கள் நேர்மையாக இருக்கும் வரை பணியாற்ற முடியும்,” என்று புங் கூறினார்.

BN அடுத்ததாக வாரிசனுடன் இணைந்து பணியாற்றுமா என்ற கேள்விக்கு, “எவருடனும், எந்தக் கட்சியுடனும், அவர்கள் நேர்மையாக இருக்கும் வரை, BN வேலை செய்ய முடியும்,” என்று பங் கூறினார்.

GRS இன் நேரடி உறுப்பினராகக் கடந்த மாதம் பெர்சத்துவிலிருந்து வெளியேறியதிலிருந்து ஹாஜிஜிக்கு முதலமைச்சராக இருப்பதற்கான இடமில்லை என்று வழக்கறிஞர்களுடன் பேசியதாகவும் பங் கூறினார்.

“GRS என்பது PBS, Star, Bersatu, Usno மற்றும் SAPPஆகியவற்றுக்கு இடையிலான ஒரு பெரிய கூட்டணியாகும். அதாவது ஜிஆர்எஸ் உறுப்பினர் என்று கூறி சங்கங்களின் பதிவாளரை ஹாஜிஜி ஏமாற்றியுள்ளார்”.

“இந்தப் பொய்கள் காரணமாக, சபா முதல்வரின் நியமனம் குறித்து மறுஆய்வு செய்து தீவிரமாகப் பரிசீலிக்குமாறு சபா ஆளுநரைக் கேட்டுக்கொள்கிறோம்,” என்று அவர் கூறினார்.