பொருளாதார நெருக்கடியின் முழுச் சுமையையும் மக்கள் மீது சுமத்துவதற்குப் பதிலாக, அரசாங்கம் பணத்தை முறையாக முகாமைத்துவம் செய்து ஊழலை ஒழித்து, பொது வளங்களை துஷ்பிரயோகம் செய்வதைத் தடுக்க வேண்டும்.

மக்கள் பிரதிநிதிகள் அனுபவிக்கும் வரம்பற்ற சலுகைகளை அகற்றி, மக்களின் துன்பங்களைக் குறைக்க வேண்டும் என மல்வத்து மகாநாயக்க திப்பட்டுவே ஸ்ரீ சித்தார்த்த சுமங்கல மகான தேரர், அஸ்கிரி பீடத்தின் மகாநாயக்கர் வரகாகொட ஸ்ரீ ஞானரதன மகான தேரர் ஆகியோரின் கையொப்பத்துடன் அதிபர் ரணிலுக்கு அனுப்பியுள்ள கடிதத்தில் தெரிவிக்கப்பட்டுள்ளது.

உள்ளூராட்சி மன்றத் தேர்தல் பிற்போடப்பட்டமை மக்களிடையே கொந்தளிப்பை ஏற்படுத்தியுள்ளதாகவும், ஜனநாயகம் என்றால் சுதந்திரமானதும் நியாயமானதும் என்பது தேர்தல் மூலம் மக்களின் இறையாண்மையை உறுதிப்படுத்துவது என்பதுடன் மக்களின் இறையாண்மையை மதிக்கும் ஜனநாயகத் தலைவராக அங்கீகரிக்கப்பட்ட உங்களுக்கும் நன்றாகத் தெரியும்.

எனவே, உள்ளூராட்சி மன்றத் தேர்தலை திட்டமிட்டபடி நடத்துவது அரசாங்கத்தின் பொறுப்பாகும் என்றும் தெரிவிக்கப்பட்டுள்ளது. வாழ்க்கைச் செலவைக் குறைப்பதற்கும், மக்களின் சுமையைக் குறைப்பதற்கும், சமூக அமைதியின்மையைக் கட்டுப்படுத்துவதற்கு முறையான கொள்கை அடிப்படையிலான பொறிமுறையை அறிமுகப்படுத்துவதற்கும் நடவடிக்கை எடுக்குமாறு அதில் சுட்டிக்காட்டப்பட்டுள்ளது.

-ib