குடிவரவுத் துறையின் இயக்குநர் ஜெனரலாக இருந்த கைருல் தைமி தாவூத்(Khairul Dzaimee Daud), தற்போது பிரதமர் துறையின் சட்ட விவகாரப் பிரிவின் (BHEUU) டைரக்டர் ஜெனரலாகப் பொறுப்பேற்கிறார்.

இன்று தனது குடிவரவுத் துறை கடமைகளைக் கையளித்த பின்னர் நடைபெற்ற ஊடகவியலாளர் சந்திப்பில் அவர் இந்த நியமனத்தை உறுதிப்படுத்தினார்.

தேசிய பதிவுத் துறையின் (JPN) தலைமை இயக்குநராக இருந்த ருஸ்லின் ஜூசோ(Ruslin Jusoh), புதிய குடிவரவுத் துறை இயக்குநர் ஜெனரலாக நியமிக்கப்பட்டார்.

கைருல் (மேலே) இது அமைப்பில் ஒரு சாதாரண நடைமுறை என்று கூறினார்.

“நான் நான்கு ஆண்டுகள் அப்பதவியில் பணியாற்றியதாலும், ஒரு முக்கியமான துறையின் தலைமை இயக்குநராகப் பணியாற்ற நீண்ட காலம் என்பதாலும் இடமாற்றம் குறித்த அறிகுறி ஒரு மாதத்திற்கு முன்பே தெரிவிக்கப்பட்டது,” என்று அவர் கூறினார்.

கைருல் 1996 டிசம்பரில் சிவில் சேவையில் சேர்ந்தார் மற்றும் ஜனவரி 14, 2019 அன்று குடிவரவு தலைமை இயக்குநராக நியமிக்கப்பட்டார்.

உள்துறை அமைச்சகத்தின் துணை தலைமைச் செயலாளர் (கொள்கை மற்றும் கட்டுப்பாடு) உள்ளிட்ட பல்வேறு அமைச்சகங்களில் பணியாற்றினார்.