வேலை தொடர்பான மன அழுத்தம் காரணமாக ஆறு நாட்களாகக் காட்டுக்குள் சென்ற நபரை மலேசிய தீயணைப்பு மற்றும் மீட்புத் துறை (JBPM) இன்று அதிகாலை மீட்டது.
பேராக் JBPM நடவடிக்கைகளின் உதவி இயக்குநர் சபரோட்ஸி நோர் அஹ்மத் ஒரு அறிக்கையில், தீயணைப்பு வீரர்கள் நேற்று இரவு 11.44 மணிக்கு உதவு கோரும் அழைப்பைப் பெற்றதாகவும், அதன் பிறகு பாதிக்கப்பட்டவர் விவரித்த இடத்திற்கு விரைந்ததாகவும் கூறினார்.
பாதிக்கப்பட்ட முகமட் சுஹைரி முகமட், 41, ஜூன் 3 ஆம் தேதி கோலாலம்பூரில் இருந்து பேராக்கில் உள்ள டெர்மினல் அமாஞ்சயாவுக்கு பேருந்தில் ஏறினார்.
எனினும், காட்டில் காணாமல் போனதால், உணவு கிடைக்காததால், அவசர உதவி எண் 999-க்கு செல்லிடப்பேசி மூலம் அழைக்க முடிவு செய்தாா்.
“பாதிக்கப்பட்டவர் ஆரஞ்சு நிற டி-ஷர்ட் மற்றும் நீல நிற ஜீன்ஸ் அணிந்திருந்தார். அவரை அவரது தொலைபேசி மூலம் தொடர்பு கொள்ள முடிந்தது, ஆனால் இணைய இணைப்பு இல்லை”.
“அவர் தேசிய தணிக்கைத் துறைக்கு அருகிலுள்ள Tenaga Nasional Berhad பிரதான துணை நிலையம் வழியாகக் காட்டுக்குள் நுழைந்தார்”.
“சம்பவ இடத்திற்கு வந்த ஆபரேஷன் கமாண்டர் பாதிக்கப்பட்டவரைத் தொடர்பு கொண்டார், அவர் காட்டில் இருந்து தீயணைப்பு இயந்திரங்கள் கேட்டதாகக் கூறினார்,” என்று அவர் கூறினார்.
பாதிக்கப்பட்டவர் அதிகாலை 2.46 மணிக்கு 3.2 கி.மீத்தூரத்தில் கண்டுபிடிக்கப்பட்டதாகவும், மேலதிக நடவடிக்கைகளுக்காகக் காவல்துறையினரிடம் ஒப்படைக்கப்பட்டதாகவும் சபரோட்ஸி கூறினார்.
