SPM 2024 தேர்வுகள் டிசம்பர் 2, 2024 முதல் பிப்ரவரி 6, 2025 வரை நடைபெற உள்ளது. மொத்தம் 402,956 மாணவர்கள் 3,337 தேர்வு மையங்களில் தேர்வெழுத பதிவு செய்துள்ளனர்.

முதற்கட்டமாக மலாய் வாய்மொழித் தேர்வு டிசம்பர் 2-5, ஆங்கில வாய்மொழித் தேர்வு டிசம்பர் 16-19, மற்றும் மலாய், ஆங்கிலம் எழுதுதல் தேர்வுகள் டிசம்பர் 31 அன்று நடைபெறும். அறிவியல் நடைமுறைத் தேர்வுகள் டிசம்பர் 9-12 வரை நடைபெற உள்ளன.

126,636 கண்காணிப்பாளர்கள் தேர்வுகளை சீராக நடத்த நியமிக்கப்பட்டுள்ளனர். தேர்வுக்கான தேதி, நேரம் மற்றும் மற்ற விவரங்களை lp.moe.gov.my இணையதளத்தில் இருந்து தேர்வு அட்டவணையை பதிவிறக்கம் செய்வதன் மூலம் அறியலாம்.

தேர்வு மையத்துக்கு அடையாள ஆவணங்களும் பரீட்சை பதிவு அறிக்கையும் கொண்டு வர வேண்டும். பேரிடர் போன்ற அவசர சூழ்நிலைகளில் தேர்வு மையத்துக்கு செல்ல முடியாத மாணவர்கள் தங்கள் பள்ளி அல்லது மாநில கல்வித் துறையை உடனடியாக தகவல்படுத்த வேண்டும்.

கல்வி அமைச்சு SPM 2024 தேர்வுகள் ஒழுங்காக நடைபெற உறுதி செய்துள்ளது. மாணவர்கள் ஆரோக்கியமாகவும் கவனமாகவும் தேர்வெழுதி சிறந்த முடிவுகளை பெற வாழ்த்துகளைத் தெரிவித்துள்ளது.