International Civil Aviation Organization (ICAO) அறிவித்துள்ள புதிய விதிமுறைகளின்படி, விமானப் பயணத்தின் போது மின்சாதனங்களை மின்னேற்றம் செய்ய (recharging) அனுமதி இல்லை. இந்த விதிகள் உடனடியாக அமலுக்கு வருகின்றன.

விமானச் செயல்பாட்டுத் தேவைகளுக்கு இணங்க, விமானப் பணியாளர்கள் பவர் பேங்குகளை எடுத்துச் செல்லவும் பயன்படுத்தவும் தொடர்ந்து அனுமதிக்கப்படுவார்கள் என ICAO தெரிவித்துள்ளது.

சர்வதேச சிவில் விமானப் போக்குவரத்து அமைப்பால் ஏற்றுக்கொள்ளப்பட்ட புதிய விதிமுறைகளின்படி, விமானப் பயணிகள் அதிகபட்சமாக இரண்டு பவர் பேங்குகளை மட்டுமே எடுத்துச் செல்ல அனுமதிக்கப்படுகிறார்கள், மேலும் விமானப் பயணத்தின் போது அவற்றை ரீசார்ஜ் செய்யவும் தடை விதிக்கப்பட்டுள்ளது.

லித்தியம் பேட்டரி மூலம் இயங்கும் பவர் பேங்க்களுக்கான புதிய விவரக்குறிப்புகள் உடனடியாக அமலுக்கு வருகின்றன. விமானத்தின் செயல்பாட்டுத் தேவைகளுக்கு இணங்க, விமானப் பணியாளர்கள் பவர் பேங்க்களை எடுத்துச் செல்லவும் பயன்படுத்தவும் தொடர்ந்து அனுமதிக்கப்படுவார்கள் என்று சின்ஹுவா செய்தி நிறுவனம் தெரிவித்துள்ளது.

விமானம் மூலம் அபாயகரமான பொருட்களைப் பாதுகாப்பாகக் கொண்டு செல்வதற்கான தொழில்நுட்ப வழிமுறைகளைத் திருத்துவதற்கான பரிந்துரைகளை, தனது வான்வழிப் போக்குவரத்து ஆணையத்தைச் சேர்ந்த சுதந்திரமான தொழில்நுட்ப வல்லுநர்கள் அங்கீகரித்துள்ளதாக ICAO தெரிவித்துள்ளது.

இந்தப் பரிந்துரைகள் 36 நாடுகளைக் கொண்ட ICAO கவுன்சிலால் அங்கீகரிக்கப்பட்டுள்ளன.