இல்லாத பாலியல் சேவைகளை வழங்குவதாகக் கூறி ஏமாற்றுதல், காதல் மோசடிகள் மற்றும் போலி முதலீட்டுத் திட்டங்களில் அவர்கள் ஈடுபட்டதாகக் காவல்துறை தெரிவிக்கிறது.

மலாக்கா காவல்துறைத் தலைவர் ஜுல்கைரி முக்தார் கூறுகையில், இவ்விரு கும்பல்களும் கடந்த ஜனவரி மாதம் முதல் இயங்கி வருவதாகத் தெரிவித்தார்.

மலாக்கா, தாமான் கோத்தா பெண்டஹாரியில் உள்ள இரண்டு வளாகங்களில் நடத்தப்பட்ட சோதனைகளைத் தொடர்ந்து, இல்லாத பாலியல் சேவைகளை வழங்குவதாகக் கூறி ஏமாற்றும் மோசடிகள், காதல் மோசடிகள் மற்றும் போலி முதலீட்டுத் திட்டங்களில் ஈடுபட்டிருந்த இரண்டு “அழைப்பு மைய” (call centre) சிண்டிகேட்டுகளை காவல்துறையினர் முறியடித்துள்ளனர்.

ஏப்ரல் 23 அன்று நடத்தப்பட்ட சோதனைகளில் 20 முதல் 44 வயதுக்குட்பட்ட சீனா, வியட்நாம் மற்றும் இந்தோனேசியாவைச் சேர்ந்த 45 வெளிநாட்டினர் கைது செய்யப்பட்டதாக மலாக்கா காவல்துறைத் தலைவர் சுல்கைரி முக்தார் தெரிவித்தார்.

“முதல் சோதனையில், 28 முதல் 44 வயதுக்குட்பட்ட 19 சீன ஆண்கள், ஒரு சீனப் பெண் மற்றும் ஒரு இந்தோனேசியப் பெண்ணை காவல்துறையினர் கைது செய்தனர்”.

இந்த சோதனையில் மூன்று மடிக்கணினிகள், 62 தொலைபேசிகள், ஒரு மோடம் மற்றும் ரவுட்டர் செட், 18 மோசடி ஸ்கிரிப்ட்கள் மற்றும் சந்தேக நபர்களுக்குச் சொந்தமான எட்டு பாஸ்போர்ட்டுகள் பறிமுதல் செய்யப்பட்டன,” என்று மாநில காவல்துறை தலைமையகத்தில் அவர் கூறியதாக பெர்னாமா செய்தி வெளியிட்டுள்ளது.

இந்த சிண்டிகேட் சீன நாட்டினரை இலக்கு வைத்து செயல்பட்டது விசாரணையில் தெரியவந்தது என்று சுல்கைரி கூறினார்.

அதே பகுதியில் உள்ள மற்றொரு வளாகத்தில் நடத்தப்பட்ட தனி சோதனையில் 20 முதல் 42 வயதுக்குட்பட்ட 19 வியட்நாமிய ஆண்கள், நான்கு வியட்நாமிய பெண்கள் மற்றும் ஒரு சீன மனிதர் கைது செய்யப்பட்டதாக அவர் கூறினார்.

கைது செய்யப்பட்டவர்களுக்குச் சொந்தமான 21 கணினிகள், 21 மானிட்டர்கள், மவுஸ் மற்றும் கீபோர்டு செட்கள், 23 மொபைல் போன்கள், இரண்டு மோடம்கள் மற்றும் 24 பாஸ்போர்ட்டுகளை காவல்துறையினர் பறிமுதல் செய்தனர்.

“இந்த சிண்டிகேட் வியட்நாமியர்களை இலக்காகக் கொண்டு காதல் மோசடிகள் மற்றும் போலி முதலீட்டுத் திட்டங்களில் ஈடுபட்டது சோதனையில் கண்டறியப்பட்டது. பாதிக்கப்பட்டவர்களின் நம்பிக்கையைப் பெற்ற பிறகு, அவர்கள் கிரிப்டோகரன்சி முதலீட்டுத் திட்டங்களை வழங்கினர்,” என்று அவர் கூறினார்.

இரு சிண்டிகேட்டுகளும் ஜனவரி முதல் இயங்கி வருவதாகவும், இதில் பணிபுரிபவர்களுக்கு மாதம் ரிம 2,500 முதல் ரிம 5,000 வரையிலும், மேற்பார்வையாளர்களுக்கு ரிம 5,000 முதல் ரிம 6,000 வரையிலும் ஊதியம் வழங்கப்பட்டதாக சுல்கைரி கூறினார்.

சிண்டிகேட் உறுப்பினர்களுக்கு ஒரு பாதிக்கப்பட்ட நபருக்கு ரிம 500 முதல் ரிம 2,000 வரை கமிஷன் வழங்குவதாகவும் வாக்குறுதி அளிக்கப்பட்டிருந்தது.