திங்கட்கிழமை முதல் பணியிட ஒதுக்கீட்டு செயல்முறை தொடங்கி தொடர்ந்து நடைபெற்று வருவதாக சுகாதார அமைச்சகம் தெரிவித்துள்ளது. ஒதுக்கப்பட்ட மருத்துவர்களில் 76% பேர் வரை பணியில் சேர வரவில்லை என தகவல்கள் வெளியானதைத் தொடர்ந்து இந்த அறிவிப்பு வெளியாகியுள்ளது.

ePlacement இணையதளத்தின் அடிப்படையில், கிழக்கு மலேசியாவில் 4,255 மருத்துவ அதிகாரிகளுக்கு நிரந்தர பணியிட நியமன வாய்ப்புகள் வழங்கப்பட்டுள்ளதாக சுகாதார அமைச்சகம் தெரிவித்துள்ளது.

சபா மற்றும் சரவாக்கிற்கு நிரந்தரப் பணியிடங்களுக்கு ஒதுக்கீடு செய்யப்பட்ட மருத்துவ அதிகாரிகளில் 76 சதவீதம் பேர் வரை திங்கள்கிழமை பணிக்கு அறிக்கை செய்யத் தவறிவிட்டதாகக் வெளியான செய்திகள் குறித்து சுகாதார அமைச்சு விளக்கமளித்துள்ளது.

திங்கள்கிழமை தொடங்கிய இந்த இடமாற்ற நடைமுறைகள் இன்னும் தொடர்ந்து நடைபெற்று வருவதாகவும், நியமிக்கப்பட்ட மருத்துவர்கள் தங்களுக்கு ஒதுக்கீடு செய்யப்பட்ட சுகாதார மையங்களில் பணிக்கு அறிக்கை செய்ய அக்டோபர் 7 வரை கால அவகாசம் வழங்கப்பட்டுள்ளதாகவும் அமைச்சு தெரிவித்தது.

ePlacement இணையப் பக்கத்தின் அடிப்படையில் பணி வாய்ப்புகளைப் பெற்ற 4,255 மருத்துவ அதிகாரிகள் இதில் அடங்குவர் என அது மேலும் கூறியது.

பணிக்கு இன்னும் அறிக்கை செய்யாத அனைத்து மருத்துவ அதிகாரிகளும் உடனடியாக பணிக்கு அறிக்கையிடுமாறு சுகாதார அமைச்சு கேட்டுக்கொள்கிறது.

சம்பந்தப்பட்ட அதிகாரிகள் அக்டோபர் 7 ஆம் தேதி கெடு முடிவதற்குள் தங்களது சுய விவர அறிக்கையை (self-reporting) அந்தந்த மையங்களில் பூர்த்தி செய்யுமாறு நினைவூட்டப்படுகிறார்கள் என்று அமைச்சு தனது அறிக்கையில் தெரிவித்துள்ளது.

மேலும், இந்த இடமாற்ற நடைமுறைகள் குறித்து முன்கூட்டியே எந்தவொரு முடிவிற்கும் வர வேண்டாம் என்றும் அமைச்சு எச்சரித்துள்ளது.

மருத்துவர்கள் பணிக்கு வரவில்லை என்பது குறித்த செய்திகளுக்குப் பதிலளித்த மலேசிய மருத்துவச் சங்கம் (MMA), கிழக்கு மலேசியாவில் பணியாற்றும் மருத்துவர்களுக்கான மண்டல ஊக்கத்தொகை செலுத்துதலை (BIW) அதன் பழைய சதவீத அடிப்படையிலான முறைக்கே மீண்டும் மாற்றுமாறு சுகாதார அமைச்சைக் கேட்டுக்கொண்டது.

MMA தலைவர் டாக்டர் எல். சிவனேசன், BIW-க்கான தற்போதைய நிலையான தொகை முறையால் சபா மற்றும் சரவாக் மாநிலங்களில் பணியாற்றும் மருத்துவர்களுக்கு வழங்கப்படும் ஊக்கத்தொகையின் மதிப்பு குறைந்துள்ளதாக தெரிவித்தார்.

மேலும், மருத்துவ அதிகாரிகள் பணியில் சேர்வதை உறுதி செய்வதற்காக சில கூடுதல் ஊக்கத்திட்டங்களையும் அவர் முன்மொழிந்தார். அவற்றில்: கிழக்கு மலேசியா பணிச் சேவைக்கான தனி கொடுப்பனவு, குறிப்பிட்ட கால அளவைக் கொண்ட பணிப் பதவிகள் ஆகியவை அடங்கும் ஆகியவையும் அடங்கும்.