பொதுத் தேர்தலில் எதிர்க்கட்சிக்கு வாக்களித்ததற்காக பாராம் பகுதியில் உள்ள  சரவாக் பிகேஆர் ஆதரவாளர்கள் தண்டிக்கப்படுவதாக அந்த மாநில பிகேஆர்  தலைவர் பாரு பியான் கூறிக் கொண்டுள்ளார்.

ரப்பர் சிறுதோட்டக்காரர் மேம்பாட்டு வாரியத்தின் (ரிஸ்டா) வழி அதிகப் பலன்  தரும் ரப்பர் கன்றுகளை நடுவதற்கான அவர்களுடைய விண்ணப்பங்கள் மீட்டுக்  கொள்ளப்பட்டுள்ளதாக அவர் சொன்னார்.

அவர்கள் பிகேஆர் ஆதரவாளர்கள் என்பதால் ரப்பர் கன்றுகளுக்கான அவர்களது  விண்ணப்பங்கள் மீட்டுக் கொள்ளப்பட்டுள்ளதாக பாராம் பகுதியில் பலர் புகார்  செய்துள்ளதாக பாரு பியான் குறிப்பிட்டார்.

வறுமை ஒழிப்புத் திட்டத்தின் கீழ் கிராமப்புற மக்களுக்கு உதவி செய்யப்படும் என  துணை முதலமைச்சரும் விவசாய நவீனமய அமைச்சருமான அல்பிரெட் ஜாபு  வாக்குறுதி அளித்திருப்பதை அவர் மாநில அரசுக்கு நினைவுபடுத்தினார்.