தெங்கு ரசாலி, நடப்பு அம்னோ தலைவர் நஜிப் அப்துல் ரசாக்கை ஆதரிப்பாரே தவிர எதிர்க்க மாட்டார் என்று கூறுகிறார் அம்னோ தலைமைச் செயலாளர் தெங்கு அட்னான் தெங்கு மன்சூர்.

எதிர்க்கப் போவதாக ஒரு பேச்சுக்காக சொல்லியிருப்பார் மற்றபடி உண்மையில் எதிர்த்துப் போட்டியிட மாட்டார் என்றாரவர்.

கட்சித் தேர்தலில்  போட்டியிட விரும்புவோருக்கு ஒரு எச்சரிக்கையும் விடுத்தார்  தெங்கு அட்னான்.

“எவரும் போட்டியிடலாம் என்ற வாய்ப்பு இருக்கிறது. ஆனால், அதையே கேலிக்கூத்தாக்கி விடக்கூடாது”, என்றாரவர். தனக்குப் போட்டியிடும் தகுதி தனக்கு உண்டா என்பதை முதலில் உறுதி செய்துகொள்ள வேண்டும் என்றார்.