குண்டர்தனத்தில் இந்திய மலேசியர்கள் பெரிய எண்ணிக்கையில் ஈடுபட்டிருக்கும் பிரச்னைக்குத் தீர்வுகாண நாடாளுமன்ற தேர்வுக்குழு(பிஎஸ்சி) ஒன்று அமைக்கப்பட வேண்டும் என்று டிஏபி உதவித் தலைவர் எம்.குலசேகரன் கேட்டுக்கொண்டிருக்கிறார்.
குண்டர்கும்பல் உறுப்பினர்களில் 29,000 பேர் இந்தியர்கள், சீனர்கள் 9,000 பேர், மலாய்க்காரர்கள் 3,000 பேர் என உள்துறை அமைச்சர் அஹ்மட் ஜாஹிட் ஹமிடி குறிப்பிட்டிருப்பது பற்றி அவர் கருத்துரைத்தார்.
குண்டர்கள்மீது கோலாலும்பூர் போலீஸ் தயாரித்துள்ள ஆய்வறிக்கை, இந்திய மலேசியர்களில் குண்டர்தன விகிதம் உயர்ந்திருப்பதற்கான காரணத்தை விவரித்திருப்பதை அவர் சுட்டிக்காட்டினார்.
தோட்டப்புறங்கள் தொழிற்சாலைகளுக்காகவும் வீடுகளை அமைக்கவும் அகப்படுத்தப்பட்டதால் அங்கிருந்த இந்திய இளைஞர்கள் அருகில் உள்ள நகரங்களுக்குப் புலம் பெயர்ந்தார்கள்.
ஆனால், கல்வித் தகுதியோ தொழில்திறனோ இல்லாததால் அவர்களுக்கு வேலை கிடைக்கவில்லை. அதன் விளைவு அவர்கள் குற்ற நடவடிக்கைகளை நாடத் தொடங்கினார்கள் என்றந்த ஆய்வறிக்கை குறிப்பிடுகிறது. “மறுக்கமுடியாத இந்த உண்மைகள், இந்தியரிடையே குண்டர்தனமும் மது அருந்துவதும் தற்கொலையும் உயர்ந்த விகிதத்தில் இருப்பது ஏன் என்பதை விளக்குகின்றன”, என்றாரவர்.
பிஎஸ்சி அமைக்கப்படுவது இப்பிரச்னைக்குத் தீர்வுகாண உதவும் என்று குலசேகரன் கூறினார்.
“மேலும் அதிகமான இந்திய இளைஞர்கள் சுய-அழிவைத் தேடி அதே பாதையில் செல்வதைத் தடுக்க ஒரே வழிதான் உண்டு. அவர்களுக்குக் கூடுதல் கல்வி தொழில்நுட்பப் பயிற்சிகள் கிடைக்க வசதி செய்துகொடுக்க வேண்டும், வியாபாரத்தில் ஈடுபட சிறுகடன்கள் வழங்க வேண்டும், தகுதி உள்ளவர்களுக்குப் பொதுச் சேவையில் வேலை வாய்ப்பை உருவாக்கிக் கொடுக்க வேண்டும்”, என்றாரவர்.
குண்டர் கும்பல் உறுப்பினர்களை ஒழிப்பதற்கு மஇகா முயற்சி எடுக்காது, பல தலைவர்கள் உயர்பதவிகளில் இருப்பதற்கு உதவியாய் இருப்பவர்களே குண்டர்கள் தானே. சாமிவேலு 32 வருடங்கள் பதவியில் இருக்க பல குண்டர்களை வளர்த்து விட்டாரே, குண்டர்கள் பல மடங்காக வளர்வதற்கு மூல காரணமே சாமிவேலு அண்ட் கம்பெனி தான். குண்டல் கும்பல் பிரச்சனைகள் பற்றி மஇகா தலைவர்கள் யாருமே வாயை திறக்கவே இல்லையே!!!!!!!!!!
குண்டர் கும்பலை வளர்த்த மா.இ.கா வை எவன் மதிக்கிறான் ?
ம இ கா மூத்த தலைவர்கள் யாரேனும் இந்த குழுவுக்கு தலைமை தாங்க வேண்டும்..குண்டர்களை எளிதில் அடையாளம் கண்டுவிடுவார்கள்…
என்ன பெட்டு கட்டுவோமா????
குண்டர்கும்பலில் இந்தியர்கள் 71% இருகின்றார்கள் என்று உள் துறை அமைச்சு கொடுத்த தகவல் GENG – 3 LINE -இல் இருக்கும் மலாய்க்காரர்களை சேர்க்காமல் கொடுத்த கணக்கெடுப்பு என்பது கடந்த 2 தினங்களாக அஹ்மட் ஜாஹிட் பேச்சுகளில் இருந்து வெட்ட வெளிச்சமாகி இருக்கிறது. PCA சட்ட திருத்தத்தை சாதித்துக் கொள்வதற்காகவே அவர் அப்படி ஒரு தகவலை வெளியிட்டுருகின்றார். மற்றவர் கண்களுக்கும், செவிகளுக்கும் இந்தியர்களை “குண்டர்கும்பல்” என்று முத்திரை குத்தி, சுட்டுத் தள்ளவும் வசதியாக போய் விட்டது. ஒட்டு மொத்தத்தில் எதிர்கட்சித் தலைவர்களும் நாமும் சிந்தித்து அறியாமால் கருத்துச் சொல்லிக் கொண்டிருக்கின்றோம். எனக்கு கிடைத்த போலிஸ் நண்பர்களின் ஆய்வுபடி குற்ற செயல்களில் ஈடுபடுபவர்களில் இந்தியரின் பங்கு 30% இருந்து 35% வரையில் தான் இருக்கும் என்பது. இதற்குப் போய் பிஎஸ்சி அமைக்கப்படுவது என்பது எல்லாம் உங்கள் கையாலாகாத தனத்தாயே குறிக்கின்றது. முடிந்தால், DAP கட்சி ஒரு புரட்சி செய்து ம.இ.க. செய்யாததை நாங்கள் செய்தோம் என்று காண்பிப்தற்காகவாவது, இந்திய இளைஞர்களைச் செவ்வனே வழி நடத்துவதற்கு காலம் தாழ்த்தாமல் செயலில் இறங்குங்கள். வெற்று அறிக்கைகளை விடுவதும் கொஞ்சம் குறையும்.
இந்திய குண்டர்களே நம் நாட்டில் உங்கள் பெயர் நாறிக்கொண்டிருக்கிறது. உடனே திருந்தி அதை துடைத்தெரியுங்கள். எல்லோரும் எப்படி வேண்டுமானாலும் பேசலாம். நீங்கள் திருந்துவது உங்கள் கையில்தான் உள்ளது. தயவு செய்து திருந்துங்களேன்.