கடந்த சனிக்கிழமையிலிருந்து காணாமல் போயிருக்கும் எம்எச்370 பயண விமானத்தை தேடும் நடவடிக்கையில் அனைத்து முயற்சிகளும் மேற்கொள்ளப்பட்டுள்ளது என்று கூறிய பிரதமர் நஜிப், அம்முயற்சி வெற்றி பெற ஒவ்வொருவரும் பிராத்தனை செய்ய வேண்டும் என்றார்.

“அரசாங்கம் மேற்கொண்டுள்ள நடவடிக்கைகளோடு நாம் இணைந்து கொள்ள வேண்டும், ஒன்றுபட வேண்டும், பிராத்தனை செய்ய வேண்டும். நாம் நமது ஆதரவை அளிக்க வேண்டும், மற்றும், ஆண்டவன் அருளால், இறுதியில் அந்த விமானத்தை கண்டுபிடிக்க உதவும் சில தகவல்களுக்காக நாம் பிராத்திக்கிறோம்”, என்றாரவர்.