அமெரிக்காவிடமும்  அதன்  அதிபர்  பராக்   ஒபாமாவிடமும்  எதிரணித்  தலைவர்  அன்வார்  இப்ராகிமுக்கு  இருந்த  செல்வாக்கை  நீர்த்துப்போக  வைத்துவிட்டாராம்  பிரதமர்  நஜிப்  அப்துல்  ரசாக்.  பெருமைப்பட்டுக்  கொள்கிறது  அம்னோவுக்குச்  சொந்தமான  உத்துசான்  மலேசியா.

“பலர்  இதை  உணராமல்  இருக்கலாம்,  நஜிப்  அமெரிக்காமீது  அன்வாருக்கு இருந்த  செல்வாக்கை  நீர்த்துப்போக  வைத்துவிட்டார்.

“பல  ஆண்டுகளாக  அன்வாரும்  எதிரணியினரும்  மலேசிய  அரசாங்கம்  பற்றிப்  பொல்லாங்கு  சொல்லி  வந்திருந்தாலும்  இப்போது அமெரிக்க  நிர்வாகத்துக்கு நஜிப்மீது  நம்பிக்கை பெருகி  வருகிறது”, என  ஆவாங்  செலாமாட்(புனைப்பெயர்)  எழுதிய  உத்துசான்  மலேசியா  தலையங்கம்  கூறுகிறது.

முந்தைய  அதிபர்போல்  அல்லாமல்,  தலையிடாமை  கொள்கையைப்  பின்பற்றுவதற்காக  ஒபாமாவை  அது  பாராட்டியது.