77- 83 ஆண்டுகளில் தமிழ் மக்கள் மீது தாக்குதல் நடத்தி இன அழிப்பினை ஆரம்பித்த அரசு இன்று முஸ்லிம் மக்கள் மீதான தாக்குதல்களை ஆரம்பித்து அவர்களை அழிக்கும் செயற்பாடுகளை ஆரம்பித்துள்ளதாக தமிழ் தேசிய மக்கள் முன்னணியின் செயலாளர் செல்வராசா கஜேந்திரன் குறிப்பிட்டுள்ளார்.
அளுத்கம தர்காநகர் மற்றும் பேருவளையில் முஸ்லிம்கள் மீதான தாக்குதல்களைக் கண்டித்து இன்று வெள்ளிக்கிழமை யாழ் பேருந்து தரிப்பிடத்தில் நடத்தப்பட்ட கவனயீர்ப்பு போராட்டத்தில் கலந்து கொண்ட போதே அவர் இவ்வாறு தெரிவித்தார்.
அவர் அங்கு தொடர்ந்தும் தெரிவித்ததாவது :-
”களுத்தறையில் முஸ்லிம்கள் மீதான தாக்குதலைக் கண்டிக்கும் வகையில் இந்த கவனயீர்ப்பு போராட்டம் நடத்தப்பட்டுள்ளது.
இலங்கையில் முஸ்லிம் தேசிய இனத்திற்கு எதிரான இனசுத்திகரிப்பை மேற்கொள்ளும் சிங்கள இனவாத அரசாங்கத்திற்கு எதிராக போராடினால் மாத்திரமே நாம் இங்கு வாழமுடியும்.
முஸ்லிம் மக்கள் மீதான தாக்குதல் மற்றும் இனவாத செயற்பாடுகளுக்கு உள்ளுரில் பேசி தீர்வு காணமுடியாது.
இலங்கைத் தீவில் தமிழ்- முஸ்லிம் மக்கள் பாதுகாப்பாக வாழ வேண்டுமானால் மாற்றமடைந்துள்ள சர்வதேச நிலைமைகைளச் சாதகமாகப் பயன்;படுத்தி சர்வதேசத்தின் துணையுடன் இனவாதமற்ற ஒரு புதிய அரச கட்டமைப்பை உருவாக்க வேண்டும். இதன்போதே சிறுபான்மை மக்கள் நிம்மதியாகவும் ஒற்றுமையாகவும் வாழும் சூழல் ஏற்படும்.
அளுத்கம தர்கா நகர்- பேருவளைச் சம்பவங்களை நாம் வெறுமனே பொதுபல சோனாவினாலோ அதன் செயலாளர் கலபொட அத்தே ஞானசார தேரரினாலோ உருவானதாக பார்க்க முடியாது.
இந்த சம்பவங்களை திட்டமிடப்பட்ட ஒரு இனவாத இன அழிப்பு நடவடிக்கையின் ஆரம்பமாகவே பார்க்கின்றோம். இதற்கு பின்னணியில் அரசாங்கத்தை ஆட்டிவைக்கும் கடும் இனவாத பௌத்த தரப்பினர் மும்முரமாக செயற்படுகின்றனர்.
77 ஆம் 83 ஆம் ஆண்டுகளில் தமிழர்கள் மீதும் இதேபோல் ஒரு தாக்குதல் அரங்கேற்றப்பட்டது. அப்போது அது இரு குழுக்களுக்கு இடையிலான மோதல் என இலங்கை அரசு குறிப்பிட்டது. ஆனால் அது தமிழர்களின் இன அழிப்பாக மாறி இன்று பல்லாயிரக்கணக்கான உயிர்களையும் பலகோடி ரூபா சொத்துக்களையும் அழித்து முள்ளிவாய்காலில் முடிவுற்றுள்ளது.
அன்று தமிழர்கள் மீது எவ்வாறு இன அழிப்பிற்கான முதல்கட்ட இனவாத செற்பாடுகளை அரசாங்கம் ஆரம்பித்ததோ- அதேபோன்றே இன்று முஸ்லிம்கள் மீதான தாக்குதல்களையும் ஆரம்பித்துள்ளது.
எனவே சர்வதேச மத்தியஸ்தத்துடன் தமிழ் பேசும் மக்கள் இறைமை கொண்ட தேசம் என்ற அடிப்படையில் புதிய அரசியல் கட்டமைப்பை உருவாக்கினால் மட்டுமே இங்கு தமிழ் முஸ்லிம் மக்கள் பாதுகாப்பாக வாழ முடியும்.
இதனால் எதிர்காலத்தில் தமிழ் முஸ்லிம் மக்கள் ஒன்றிணைந்து செயற்படுவதன் மூலம் அதற்கான வாய்ப்புக்களைப் ஏற்படுத்திக்கொள்ளலாம்.
இந்த பிரச்சினையின் நோக்கத்தினையும்- பின்னணியினையும் சரியான முறையில் புரிந்து கொள்ளாமல் ஜனாதிபதியுடன் பேசுகிறோம்- சாமாதானக் குழுக்களை அமைக்கின்றோம் என்று அறிக்கைகளை விடுவது- ஜனாதிபதி உத்தரவாதம் வழங்கியுள்ளார் என்று கூற முற்படுவது- பொதுபலசேனா தான் இதற்கு காரணம் அதன் தலைவரைக் கைது செய்யவேண்டும் என கோருவது இந்த பிரச்சினைக்கு முற்றுப்புள்ளி வைக்கப்போவதில்லை.” என்றும் கூறினார்.
அன்று தமிழனை கொல்லும் போது முஸ்லிம் பார்த்து சிரித்து கொண்டிருந்தான் , , இன்று அனுபவிக்கிறான்
இந்த முஸ்லிம் வேறு யாரும் இல்லை— இவனும் தமிழனே- நம் மொழி பேசுகிறவனே, தான் ஆடாவிட்டாலும் தன தசை ஆடும் என்பார்கள் ஆனால் இவங்களுக்கு மத வெறி மட்டும் தான் இருந்தது.
அடுத்தவர்க்கு இழைக்கப்படும் கொடுமையை சகித்துகொண்டோ ஆதரித்துக்கொண்டோ இருந்தால், உலகமும், வண்டி சக்கரமும் சுழல்வது போல என்றாவது ஒரு நாள் நாமும் அக்கொடுமையை சந்திக்க நேரும் என்பதற்கு நல்ல எடுத்துக்காட்டு. ஆள்வோரின் சூழ்ச்சியும் அதுதான். சிறு சிறு குழுக்களை தனித்தனியாக அடக்கி இறுதியில் ஆள்வோரை எதிர்க்க எவரும் இல்லாமல் இருக்கும்போது ஆள்வோர் எக்கொடுமையும் துணிச்சலோடு செய்வர். ஆக கொடுமை யாருக்கு இழைக்கப்பட்டாலும் அதனை எல்லோரும் தடுக்காவிட்டால் நிலைமை இப்படிதான் இருக்கும். இது நமக்கு ஒரு படிப்பினையாட்டும். நம் நாட்டிலும் இப்பொழுது நடைபெறும் இன, சமய மற்று மொழி வாரியாக ஒடுக்குமுறையை நாம் அனைவரும் சேர்ந்து எதிர்க்காவிட்டால், மற்ற சமூகங்களை விட எண்ணிக்கையில் சிறிதாகவே அதிகமாயிருக்கும் தனது ஆதிக்கத்தை அனைவர்மீதும் திணிக்கும் என்பதில் சந்தேகமும் இல்லை. இன்று சமய வாரியாக ஒதுக்கிய பின் இன வாரியாக மொழிவாரியாக நமது இந்திய முஸ்லிம்களையும் கண்டிப்பாக ஒதுக்க முனைவர். ஆக இப்பொழுதே சிந்தித்து செயல் படுவோம். இறைவன் நம் எல்லோரையும் ஆசீர்வதிப்பாராக.
நம் மலேசியா நாடு எப்படிபட்ட ஓரவஞ்சனை நாடு என்பதை பார்த்தீர்களா ? உலகத்தில் எந்த மூலையில் முஸ்லிம்கள் பாதிக்கப்பட்டாலும் உடனே குரல் கொடுப்பார்கள் , ஓடிபோய் உதவி செய்வார்கள் . ஆனால் இலங்கை முஸ்லீம்கள் கொல்லப்படுகிறார்கள் மலேசியா வாய்மூடி இருக்கிறது ! ஏன் தேயுமா ? அவர்கள் தமிழ் முஸ்லீம்கள்? இருந்தால் என்ன செத்தால் என்ன ? இனத்தவன் துடிக்கின்றான் ( தமிழன் ) மதத்தவன் என்ன செய்கின்றான் ? யோசியுங்கள் முஸ்லிம் சகோதரர்களே ?