இலங்கை இராணுவத்திற்கான பயிற்சிகளை இந்திய அரசாங்கம் தொடர்ந்தும் வழங்கும் என இந்தியப் பிரதமர் நரேந்திர மோடி அறிவித்துள்ளார்.
பிரதமர் ரணில் விக்கிரமசிங்க, மூன்று நாள் பயணமாக நேற்று புதுடெல்லியைச் சென்றடைந்தார்.
இன்று காலை வெளியுறவு அமைச்சர் சுஷ்மா சுவராஜை சந்தித்த அவர், பின்னர் பிரதமர் நரேந்திர மோடியைச் சந்தித்துப் பேசினார்.
இந்தச் சந்திப்புக்குப் பின்னர் இரு நாட்டுப் பிரதமர்களும் கூட்டாக ஊடகவியலாளர்களைச் சந்தித்து தமது சந்திப்புத் தொடர்பாக விளக்கமளித்தனர்.
இதன் போது இந்தியப் பிரதமர் குறிப்பிடுகையில்,
இந்திய – இலங்கை உறவில் இந்த ஆண்டு வரலாற்றுச் சிறப்புமிக்கது. முதலில் இலங்கை இலங்கை மைத்திரிபால சிறிசேன பதவியேற்பிற்கு பின்னர் தனது முதல் வெளிநாட்டுப் பயணமாக இந்தியா வந்தார்.
பின்னர், நான் இலங்கை சென்றேன். தற்போது, இலங்கை பிரதமர் ரணில் இந்தியா வந்துள்ளார்.
இந்தியா – இலங்கை நட்புறவு மிகவும் வலுவானது. இலங்கையில் அண்மையில் நடைபெற்ற தேர்தல்கள் அந்நாடு அமைதி, அனைவரையும் உள்ளடக்கிய வளர்ச்சி ஆகிய கொள்கைகளுடன் வளமான எதிர்காலத்தை நோக்கி நகர்ந்துவருகிறது என்பதை உணர்த்துகின்றன.
இலங்கை அரசு அனைத்து முயற்சிகளிலும் வெற்றி பெற வாழ்த்துவதோடு, இந்தியாவின் ஆதரவு எப்போதும் இருக்கும் என்பதை தெரிவித்துக்கொள்கிறேன்.
இலங்கை தலைவர்களின் சீர்தூக்கிய அறிவாலும், அவர்களது உயரிய எண்ணங்களாலும் அந்நாட்டில் உண்மையான அமைதி உடன்படிக்கை ஏற்படுவதுடன் வளர்ச்சியும் ஏற்படும் என நம்புகிறோம்.
இலங்கையின் வளர்ச்சி தெற்காசிய பிராந்திய வளர்ச்சிக்கு வித்திடுவதோடு, இந்தியா – இலங்கை கடல்சார் நட்புறவுக்கும் வித்திடும்.
இருநாட்டு நட்புறவு குறித்து எங்களுக்கு இடையேயான பேச்சுவார்த்தை ஆக்கபூர்வமானதாக அமைந்தது. பொருளாதார உடன்படிக்கைகள் மேலும் வலுப்பெறும் என்ற நம்பிக்கை உதயமாகியுள்ளது.
இலங்கையில் கட்டுமானம், எரிசக்தி, போக்குவரத்து துறையில் முதலீடு செய்ய விரும்பும் இந்திய முதலீட்டாளர்களுக்கு ஆதரவு அளிக்க வேண்டும் என இலங்கைப் பிரதமரிடம் கேட்டுக் கொண்டேன்.
அதேபோல், இலங்கையின் உட்கட்டுமானம், ரயில்வே, எரிசக்தி, சமூக மேம்பாட்டு திட்டங்கள், விவசாயம், அறிவியல் தொழில்நுட்பம், விண்வெளி ஆராய்ச்சி, அணுசக்தி ஆகிய துறைகளில் இந்தியாவின் நட்புறவு தொடரும்.
பாதுகாப்பு பயிற்சித் துறையில் இலங்கை, இந்தியாவின் மிக நெருங்கிய நட்பு நாடாகத் திகழ்கிறது அந்தவகையில் இலங்கை வீரர்களுக்கு தொடர்ந்து இந்தியா பாதுகாப்பு துறைசார் பயிற்சி வழங்கும்.
இந்தியா – இலங்கை பாதுகாப்பு துறை ஒத்துழைப்பு மேம்படுத்தப்படும். தீவிரவாத ஒழிப்பு நடவடிக்கையில் இந்தியா இலங்கை கூட்டுறவு தீவிரப்படுத்தப்படும். கடல் எல்லையில் இருநாட்டு பாதுகாப்பும் உறுதிப்படுத்தப்படும்.
இலங்கை, இந்திய மீனவர்கள் சங்க பிரதிநிதிகள் பேச்சுவார்த்தை மூலம் தங்கள் பிரச்சினைக்கு தீர்வு காண தொடர்ந்து முயற்சிக்க வேண்டும் என்பதில் நாங்கள் இருவரும் உடன்படுகிறோம். மேலும், மீனவர்கள் பிரச்சினையை மனிதாபிமான அடிப்படையில் அணுகவேண்டும் என இலங்கை பிரதமரிடம் வலியுறுத்தினேன்” எனவும் இந்தியப் பிரதமர் நரேந்திர மோடி தெரிவித்தார்.
- செய்மதி தொலைத் தொடர்புகளை பரிமாறிக்கொள்வது தொடர்பில் இந்தியாவுடன் புரிந்துணர்வு உடன்பாடு
- செய்மதி தொலைத் தொடர்புகளை பரிமாறிக்கொள்வது தொடர்பில் இந்தியாவுடன் புரிந்துணர்வு உடன்பாடு
- 13வது திருத்தத்தினை மையமாக வைத்து இனப்பிரச்சினை தீர்க்கப்பட வேண்டும்: இந்தியா – இலங்கை உண்மையான நல்லிணக்கத்தை அடையும்!
- பிரதமர் ரணில் இந்தியாவுடன் நான்கு இருதரப்பு ஒப்பந்தங்களில் கைசாத்து!
-http://www.tamilwin.com
ராசதந்திரமாம்…தமிழனுக்கு பட்டை நாமம் எல்லாத்தையும் பாஜக அரசு நல்ல போட்டு விட்டு நல்லாவே செய்ரானுங்கே.மோடி மஸ்தான் வாழ்க.ஹிந்தி தெரிந்தவன் முழுமையான இந்தியனாம், தமிழா?
நீ மோடி அல்ல ஜாடி கேத்த மூடி…? ஆட்சிக்கு வந்து சாதித்த என்ன…?
தமிழர்களுக்கு காங்கிரஸ் ,பா ஜா க இந்த இரண்டு கட்சிகளாலும் எந்த வித பயனும்மில்லை அங்கு வாழும் தமிழர்களின் உணர்வுகளை புரிந்துக்கொள்ளாமல் ,எரியும் அடுப்பில் எண்ணெய்ஊற்றுவதுப் போல் சிங்களவனோடு ஒட்டி உறவாடுவதும் ,ஹிந்தியையும் வடஹிந்தியர்களையும் சமஸ்கிருதத்தையும் ஆரியர்களையும் இனப்பாகுப்பாடு பார்த்து வளர்க்கும் மோடியைப் போன்ற ஒரு தலைவர் தமிழர்கள் வாங்கிவந்த சாபக்கேடு !!
முதலில் தமிழ் நாட்டில் வாழும் தமிழர் நிலை உயர இந்திய அரசாங்கம் மற்றும் தமிழக அரசாங்கம் செயலில் இறங்கட்டும். அதை விடுத்து எப்போதும் இலங்கை பிரச்சனையை பேச வேண்டாமே. அவர்கள் பிரச்சனையை அங்குள்ள தமிழ் அரசியல்வாதிகள் தீர்க்க முயற்சிக்கட்டும்.
இது யாருடைய தவறு? நம்மவர்களின் தவறு— துரோகிகளும் இன மொழி பற்றில்லா ஈன ஜென்மங்கள்– தமிழ் நாட்டு தொலைகாட்சிகளைப்பார்த்தல் புரியும் –இந்த ஈன ஜென்மங்கள் பேருக்குத்தான் தமிழர்கள் பேசுவதுவது எல்லாம் ஆங்கிலம் கலந்த தமிழ். இப்படி இருக்கையில் அங்கு எப்படி என்ன நடக்கும்? வடக்கத்தியனும் அவனுக்கு கூஜா தூக்கும் கூர் கெட்ட சொரணை இல்லா பிண்டங்கள்.அங்கு எவனையும் நம்ப முடியாது— நம்பவைத்து கழுத்தை அறுப்பது அறுப்பது அங்கு உள்ளவர்களுக்கு கை வந்த கலை.