மசீச  இப்போதுள்ளதைவிட  மேலதிக  அரசாங்கப்  பதவிகளைப்  பெற  வேண்டுமென்றால்  சீனர்  சமூகத்தின்  ஆதரவை  இன்னும்  அதிகமாகக்  கொண்டுவர  வேண்டும்  எனப்  பிரதமர்  நஜிப்  அப்துல்  ரசாக்  கூறினார்.

“கொஞ்சம்  கொடுத்து  கொஞ்சம்  பெற  வேண்டும்.

“அதிகம்  வேண்டுமா, அதிகமாகக்  கொடுங்கள்.

“அரசாங்கத்தில்  கூடுதல்  பதவிகள்  தேவை  என்றால்  பிஎன்னுக்கு  உங்கள் ஆதரவும்  அதிகரிக்க  வேண்டும்”, என்று  மசீச  ஆண்டுக்கூட்டத்தில்  நஜிப்  கூறினார்.

மசீச 2013 பொதுத்  தேர்தலில்  ஏழு  நாடாளுமன்ற  இடங்களையும்  11  சட்டமன்ற  இடங்களையும்தான்  வென்றது  என்பதால்  அதை  மக்கள் ‘7-Eleven party’ என எள்ளி  நகையாடுவதைக்  கண்டு  வருத்தமடைவதாகக்  குறிப்பிட்டார்.

ஆனாலும்,  அது  ஆதரவைத்  திரும்பவும்  பெற  முடியும்  என்ற  நம்பிக்கை  தமக்கிருப்பதாக  அவர்  சொன்னார்.