கடந்த  மூன்று  மாதங்களாக  அறிமுகமற்ற  பேர்வழிகள்  இரவு  நேரங்களில்  தொலைபேசிகளில்  அழைத்து  ஆபாசப்  பேச்சுப்  பேசி பெர்சே  தலைவர்  மரியா  சின்  அப்துல்லாவுக்கும்  அவருக்குமுன்  அப்பதவில்  இருந்த  அம்பிகா  ஸ்ரீநிவாசனுக்கும்   தொல்லை  தருகிறார்களாம்.

இப்படிப்பட்ட  ஆபாச  தொலைபேசி  அழைப்புகள்  முதன்முதலாக  செப்டம்பர்  மாதத்தில்  பின்னிரவு  மணி  2-க்கும்  4-க்குமிடையில்  வந்ததாக  மரியா  மலேசியாகினியிடம்  தெரிவித்தார்.

ஏதோ  ஆபத்து  அவசரம்  என்று  மரியா  தொலைபேசியை  எடுத்துப்  பேசியதும்  அந்தப்  பக்கத்தில்  பேசியவர்  பாலியல் சேவைக்கு விலை  பேசியிருக்கிறார்.

“எவ்வளவு,  எப்போது கிடைக்கும்  என்றெல்லாம் விசாரிக்கிறார்கள்”. பெர்சே 4 பேரணி  நடக்கும்வரை  இந்த  அழைப்புகள்  ஓயவில்லை  என்றாரவர்.

வாட்ஸ் எப்  அமைப்பிலும்  ஆபாச  செய்திகள்  வருவதாக  அவர்  தெரிவித்தார்.

அம்பிகாவுக்கும்  இதே  அனுபவம்  ஏற்பட்டிருக்கிறது.