கெடாவின்  மந்திரி  புசாராக  நியமிக்கப்பட்டிருக்கும் அஹ்மட்  பாஷா   முகம்மட்  ஹனாப்யா   மாநிலச்  சட்டமன்றக்  கூட்டங்களில்  தாம்  என்றும்  குட்டித்   தூக்கம்  போட்டதில்லை  என்று  திட்டவட்டமாகக்  கூறி  இன்று  காலை  முக்ரிஸ்  மகாதிர்  அவர்  தூங்கும்  பழக்கம்  உள்ளவர்  எனக்  கூறியிருந்ததை  மறுத்தார்.

குட்டித்  தூக்கம்  போடுவதைப்போல்  கண்களை  மூடிக்  காண்பித்த  அவர்,  “சில  நேரங்களில்  இப்படி  இருப்பதன்  மூலம்  கூடுதல்  கவனம்  செலுத்த  முடிகிறது”  என்றார்.

அவர்  தூங்குவதைக்  காண்பிக்கும்  காணொளிகள்  இணையத்  தளங்களில்  உலா  வந்து  கொண்டிருக்கின்றன.

“இணையத்திலும் போட்டிருக்கிறார்கள். ஆனால்  நான் தூங்கவில்லை.

“நான்  தூங்கவில்லை  என்பதைப்  பிரதமரிடமும்  சொன்னேன்.  அதற்கு  அவர்  டேவானில்  கண்ணை  மூடிக்  கொண்டிருப்பது  சகஜம்தான்  என்றார்”,  என அஹ்மட்  பாஷா கூறினார்.