பாகோ  எம்பி  முகைதின்  யாசினும்  கெடா  முன்னாள்  மந்திரி  புசார்  முக்ரிஸ்  மகாதிரும்  கட்சிநீக்கம்  செய்யப்பட்டதற்கு  எதிர்ப்புத்  தெரிவிப்பதற்காக  பாகோவிலும்  கெடா  அம்னோவிலும்  உறுப்பினர்கள் பெரும்  எண்ணிக்கையில் கட்சியை  விட்டு  வெளியேறும்  நிலை  ஏற்பட்டு  விடக்  கூடாது  என  அம்னோ  உச்ச  மன்ற  உறுப்பினர்  பங்  மொக்தார்  ரடின்   என்று  வேண்டிக்  கொண்டார்.

செம்போர்னாவில்  நடந்ததைக்  கருத்தில்  கொண்டே  அவர்  அப்படிச்  சொன்னார்.   எம்பி  முகம்மட்  ஷாபி  அப்டால்  கட்சியிலிருந்து  இடைநீக்கம்  செய்யப்பட்டதற்குக்  கண்டனம்  தெரிவிக்கும்  வகையில்  சுமார்  300  செம்போர்னா  அம்னோ  உறுப்பினர்கள்  கட்சியிலிருந்து  வெளியேறியதை  அடுத்து  பிஎன்  ஆதரவு  நாடாளுமன்ற  உறுப்பினர்கள்  மன்றத்தின்  இணைய  செய்தித்  தளத்திடம்  பங்  பேசினார்.

“செம்போர்னாவில்  இப்படி  ஒன்று  நடந்ததை  எண்ணி  வருத்தப்படுகிறேன்”, என பங்  கூறினார்.

“நம்மை  நாம்  வலுப்படுத்திக்  கொள்ள  வேண்டும்.  தலைவர்கள்  வருவார்கள்,  போவார்கள்.  ஆனால்,  கட்சிப்  போராட்டம்  தொடர  வேண்டும்”,  என்றாரவர்.