இன்றிரவு பிரதமர் நஜிப் அமெரிக்க மற்றும் பிரிட்டீஷ் பயணங்களை முடித்துக்கொண்டு கோலாலம்பூர் திரும்பினார்.

அவரை வரவேற்க ஆயிரத்திற்கு மேற்பட்டோர் விமானநிலையத்தில் குழுமியிருந்தனர்.

நஜிப் நேரத்தை வீணாக்காமல் முன்னாள் பிரதமர் மகாதிரை மட்டம் தட்டும் வேலையில் இறங்கினார்.

“நான் உங்களிடம் சொல்கிறேன், அவர் பிரதமராக இருக்கையில் அதிபர் (ஜியோர்ஜ் டபுள்யு) புஸ்சை பார்க்க அவர் விரும்பினார்.

“நான் உங்களிடம் இன்றிரவு சொல்கிறேன், அவர் அதற்கு மில்லியன் கணக்கான ரிங்கிட்டை தகரர்களிடம் கொடுத்தார்”, என்று அவரை வரவேற்க வந்திருந்த ஆதரவாளர்களிடம் நஜிப் கூறினார்.

“மில்லியன்கள் கொடுக்கப்பட்டன. ஏன்? அவர் புஷ்சை பார்க்க விரும்பினார்”, என்று நஜிப் ஏளனத் தொனியில் கூறினார்.

“ஆனால், எனக்குக் கிடைத்த வரவேற்பு மகாதிருக்கு கிடைக்கவில்லை”, என்று நஜிப் மேலும் கூறினார்.

தேவைப்பட்டால், இவ்விவகாரம் குறித்து மேலும் பல தகவல் வெளியிடப்படும் என்றாரவர்.

மகாதிர்-புஷ் சந்திப்பு 2002 இல் நடந்தது. மகாதிர் அச்சந்திப்புக்கு பணம் கொடுத்ததற்காக அவர் பல ஆண்டுகாலத்திற்கு குறைகூறப்பட்டார்.