இன்று, மலேசிய ஊழல் தடுப்பு ஆணையம் (எம்.ஏ.சி.சி.), சபாவில் கிராமப்புற அபிவிருத்தி நிதிகளில் நடந்த மோசடி குறித்த விசாரணைகளுக்கு உதவ, ‘டத்தோ’ அந்தஸ்து கொண்ட தொழிலதிபர் ஒருவரை அழைத்தது.

ஆதாரங்களின்படி, கிராமப்புற மற்றும் கூட்டரசுப் பிரதேச அபிவிருத்தி அமைச்சின் ஒப்புதல் பெற்ற, குறைந்தபட்சம் 7 நிறுவனங்களை அத்தொழிலதிபர் தனது கட்டுப்பாட்டின் கீழ், கொண்டிருப்பதாகக் கூறப்படுகிறது.

அந்த 7 நிறுவனங்களைத் தவிர்த்து, அத்தொழிலதிபர் தன் நண்பரின் உரிமங்களுக்கு தலா RM30,000 செலுத்தி, இரவலும் பெற்றுள்ளதாகத் தெரிகிறது.

வரையறுக்கப்பட்ட தெண்டரின் விதிமுறையான, ஒரு திட்டத்திற்கு 10 நிறுவனங்கள் எனும் தகுதியைப் பூர்த்தி செய்ய, அவர் அவ்வாறு செய்ததாக நம்பப்படுகிறது.

அத்தொழிலதிபர் கைதானதை, எம்.ஏ.சி.சி-யின் துணை ஆணையர் அஷாம் பாக்கி உறுதிபடுத்தினார்.