பிஎன் தலைவர் நஜிப் அப்துல் ரசாக்கும் அவரின் தலையாய எதிராளி டாக்டர் மகாதிர் முகம்மட்டும் இன்றிரவு கோலாலும்பூரில் ஒரே நேரத்தில் தேர்தல் கூட்டங்களில் பேசுவார்கள்.
நஜிப் பிபிஆர் கோம்பாக் சித்தியாவில் பேசுவார்.
அதற்கு 13கிமீ தொலைவில் பாண்டான் பிளேட் தேசாவில் பெர்சத்து கூட்டம் நடைபெறுகிறது. அதில் மகாதிரும் பெர்சத்து தலைவர் முகைதின் யாசினும் கலந்துகொள்வார்கள்
இரண்டு கூட்டங்களும் இரவு மணி ஒன்பதுக்குத் தொடங்கத் திட்டமிடப்பட்டுள்ளது.
நஜிப், மகாதிர் கூட்டங்கள் இப்படி அருகருகே நடப்பது இதுவே முதல்முறை என்று தோன்றுகிறது. அத்துடன் யாருக்குக் கூட்டம் அதிகம் சேரும் என்ற எதிர்பார்ப்பும் சேர்ந்து கொண்டிருக்கிறது.
கோலாலும்பூரில் 11 நாடாளுமன்றத் தொகுதிகள் உள்ளன. பிஎன் இரண்டில் மட்டுமே 2013-இல் வென்றது.
